E fundit!

07:54 Politikë

E enjte intensive për Kuvendin/ Projektligje dhe 6 interpelanca me Ramën dhe ministrat

Kjo e enjte pritet të jetë një ditë me diskutime të shumta...

Reshje shiu, shtrëngata dhe dëborë/ Çfarë parashikon moti për 5 ditët e ardhshme

20 Nëntor 2022, 16:41, Aktualitet CNA

Reshje shiu, shtrëngata dhe dëborë/ Çfarë parashikon

Reshjet e shumta të shiut që filluan të bien këtë fundjavë, vazhdojnë edhe sonte gjatë natës, ku zonat malore priten edhe reshje dëbore. Ditën e hënë reshjet vijojnë të bien në formë rige lokale, derisa të pushojnë. Të martën do të ketë intervale më të gjata me diell, derisa reshjet të rikthehen sërish ditën e mërkurë dhe të enjte, por me intensitet më të dobët.

Për momentin të premten parashikohet mot i thatë, e në fundjavë sërish reshje.

Indeksi i cilësisë së ajrit kryesisht do të mbetet në vlera të pranueshme në shumicën e stacioneve. Të hënën mbrëma dhe të martën në mëngjes, do të ketë më shumë qetësi që grumbullon ndotësit ajror pranë sipërfaqes, e indeksi të kalon në vlera të dobëta.

Reshje shiu, shtrëngata dhe dëborë/ Çfarë parashikon

Datat:

21.11 E Hënë – Reshjet e shiut vazhdojnë orëve të hershme të mëngjesit. Ditën më ftohtë, reshjet vijojnë së rëni në formë rige lokale derisa të pushojnë. Viseve malore priten reshje bore. Gjatë mbrëmjes vranësirat shpërndahen.

22.11 E Martë– Mëngjesi kryesisht me diell, e mjegull në ultësira. Ditën pa të reshura, me vranësira e intervale me diell. Vonë në mbrëmje vende-vende ka mundësi për reshje të dobëta shiu.

23.11 E Mërkurë – Vranësira e intervale me diell. Vende-vende mundësi për riga lokale shiu.

24.11 E Enjte - Herët në mëngjes dhe paradite me shi. Ditën kryesisht me vranësira e reshjet pushojnë.

25.11 E Premte – Vranësira të ndryshueshme dhe intervale me diell, pa mundësi për të reshura.

Temperaturat fillimisht pësojnë rënie deri në 0C, minimalet e 8C maksimalet. Nga mesi i javës maksimalet shënojnë rritje në 12C, e minimalet në 4C e 6C.

Të hënën fryn erë e lehtë dhe mesatare nga verilindja 4-13m/s, e të martën mbrëma dhe të mërkurën e fuqishme nga juglindja 7-16m/s.

Shtypja atmosferike pëson rënie të thellë nën vlera normale, për të shënuar një rritje të shpejtë nga dita e enjte.