E fundit!

10:12 Politikë

Vrasja e efektivit në Maliq/ Lamallari: Dënoj aktin e rëndë, Shqipëria humbi një shërbëtor të ligjit

Ministri i Brendshëm, Besfort Lamallari shprehu humbjen e ...

Raporti- Prurjet ujore janë rritur në nivele ekstreme/ Gjendja në ujëmbledhësin e Shkodrës

20 Nëntor 2022, 17:44, Aktualitet CNA

Raporti- Prurjet ujore janë rritur në nivele ekstreme/ Gjendja në

Kaskada e Lumit Drin

Ditën e sotme vendi është mbërthyer nga reshje të shumta shiu, që për pasojë kanë sjellë përmbytje në disa zona të Shqipërisë, kryesisht në Shkodër, Lezhë dhe Dibër.

Duke iu referuar situatës meterologjike të 24 orëve të fundit, në pellgun ujëmbledhës të liqenit të Shkodrës dhe lumenjve Kir, Gjadër, Gomsiqe, Drin, prurjet ujore janë rritur në nivele ekstreme për shkak të shirave të furishëm të rënë në të gjithë këtë hapësirë gjeografike.

Sa i takon pellgut ujëmbledhës të lumit Drin dhe basenet e liqeneve të Komanit dhe Vaut të Dejës të cilët administrohen nga KESH sh.a., mbi të cilët shkarkohen të gjithë përrenjtë dhe lumenjtë malorë të alpeve dhe të hapësirave të tjera malore të Pukës e të tjerë, është grumbulluar një sasi e konsiderueshme uji që arrin deri në 4,000 m3/s, prej orës 22:00 të datës 19 nëntor dhe në vazhdim.

Këto prurje janë gjeneruar nga reshjet me intesitet shumë të lartë (ekstrem) të matura nga sistemi i monitorimit hidrometeorologjik i KESH sh.a., të cilat, deri në orën 11:00 të ditës së sotme datë 20.11.2022, rezultojnë si më poshtë:

· Theth 390

· Dragobi 203

· Puke 134

· Fierze 105

· Koman 176

· V.Dejes 168 mm

Ndërsa e gjithë sasia ujore e plotë arrin në mbi 4,000 m3/sek., nga shkarkuesit fundor të kaskadës, nuk ka kaluar në asnjë rast vlera e 1300 m3/sek.

Pra nga e gjithë kjo sasi uji e ardhur në liqenet e kaskadës, 30% e kësaj sasie është shkarkuar, ndërsa pjesa tjetër është akumuluar si rezervë energjitike, si rezultat i masave paraprake menaxhuese dhe operative që KESH sh.a. ka ndërmarrë.

Si rezultat i këtij hapi të ndërmarrë nga KESH është arritur që të minimizohen përmbytjet e mundshme në zonat e nën Shkodrës.

Mësohet se përgjatë këtyre ditëve KESH, i ka ndalur operimet me HEC Fierzë, duke eliminuar plotësisht prurjet hidrike nga zona e mbi Fierzës.

Gjatë 24 orëve të fundit kanë rënë reshje me intensitet shumë të lartë të përqendruara në Alpet e Shqipërisë (Theth-Valbone). Për 24 orë kanë rënë mesatarisht rreth 180 mm reshje shiu në basenin e Koman-Vau i Dejës dhe rreth 20 mm në basenin e Fierzës.

Reshjet vazhdojnë me intensitet mesatar/lartë dhe me pritshmëri për intensitet të njëjtë deri në orët e pasdrekes të datës 20.11.2022.

PRURJET

Prurjet paraqiten shumë të larta në Koman dhe Vaun i Dejës me pritshmëri për rënie të lehtë pas orëve të pasdrekës, ndërkohë ne Fierze kemi një rritje aktuale dhe pritshmëri për rritje në orët në vazhdim. Prurjet maksimale në Koman dhe Vaun e Dejës janë regjistruar në orët e para te mëngjesit te datës 20.11.2022 ku kanë arritur përkatësisht: 2250 m3/s ne Koman dhe 1150 m3/s në Vaun e Dejës.

Sipas llogaritjeve të modelit hidrologjik të lumit Drin (OSS), parashikohet që prurjet mesatare ditore të veprojnë rreth këtyre vlerave:

Raporti- Prurjet ujore janë rritur në nivele ekstreme/ Gjendja në

Me vendim të Komisioni Kombëtar të Menaxhimit të Plotave të datës 19.11.2022, kuotat e miratuara maksimale Në HEC Koman dhe HEC Vau i Dejës, janë 175.00 mmnd në HEC Koman dhe 76.00 mmnd në HEC Vau i Dejës si dhe detyrimin e shoqërisë për menaxhimin me shkarkim të prurjeve dhe impaktit në rrjedhën e poshtme të Kaskadës që më datë 19.11.2022. pa tejkaluar prurjet natyrore.

Për përballimin e prurjeve në pellgun ujëmbledhës Koman – Vau i Dejës, shoqëria ka filluar shkarkimet nga portat në HEC Vau i Dejës që nga ora 16:00 e datës 19.11.2022 me shkarkime mesatare totale (prodhim dhe shkarkime) prej 700 m3/s dhe me pik shkarkimi në orën 10:00 prej 1,600 m3/s.

Prurje natyrore në Kaskadën e lumit Drin gjatë orës pik të shkarkimit në sasinë prej 4,000 m3/s./CNA.al