web counter
LEXO PA REKLAMA!

SHKARKO APP

App Store
Google Play

E fundit!

x

Evakuohen 8 familje në Lezhë dhe Shkodër/ Peleshi: Po kërkojmë ende për babë e bir

20 Nëntor 2022, 19:36, Aktualitet CNA
Evakuohen 8 familje në Lezhë dhe Shkodër/ Peleshi: Po
Ministri i Mbrojtjes, Niko Peleshi në terren

Ministri i Mbrojtjes, Niko Peleshi, ka dhënë informacion në lidhje me situatën e vështirë në vend, pas reshjeve të dendura të shiut.

Me anë të një statusi në rrjetet sociale, Peleshi bën të ditur se deri më tani janë evakuuar 8 familje në qarqet Lezhë, Shkodër dhe po punohet për largimin e ujit nga banesat.

Gjithashtu, ai njofton se po vijojnë kërkimet për të gjetur babë e bir në Shkrel të Malësisë së Madhe, të cilët bënë aksident, teksa po udhëtonin me makinë.

“Efektivë të FA me mjete transporti, motorbarka dhe të gjitha kapacitetet e shërbimit zjarrfikës, Policia e Shtetit, strukturat e emergjencave civile, shërbimi mjekësor janë prej orësh në gatishmëri për të ndihmuar banorët në qarqet ku situata e krijuar nga reshjet është më e rënduar.

Janë evakuuar 8 familje në qarqet Lezhë, Shkodër. Po punohet pa pushim për të larguar ujin nga ato banesa ku ka prani të tij.

Forcat në terren po vijojnë kërkimet për të gjetur babë e bir në Shkrel të Malësisë së Madhe. Pjerrësia e madhe e vendit dhe reshjet e dendura vështirësojnë punën për nxjerrjen e mjetit dhe trupave.

Me vëmendje maksimale po ndiqet situata, kudo ku ka shtim të prurjeve të lumenjve për të garantuar së pari jetën e njerëzve”, thekson ministry./ B.A. – CNA.al





Lajmet e fundit nga