web counter
LEXO PA REKLAMA!

SHKARKO APP

App Store
Google Play

E fundit!

x

“Ne e dramatizojmë situatën”/ Mustafa Nano: Shkuarja në panair mat nivelin intelektiv të njerëzve

22 Nëntor 2022, 22:40, Aktualitet CNA
“Ne e dramatizojmë situatën”/ Mustafa Nano: Shkuarja
Gazetari Mustafa Nano

Gazetari Mustafa Nano e ka konsideruar Panairin e Librit si një nga ngjarjet kulturore më të mëdha të vendit.

I ftuar në emisionin “Open”, Nano tha se vajtja në panair është në kriter më të cilin mat nivelin intelektiv të njerëzve.

Ndër të tjera, gazetari theksoi se dramatizohet situata kur flitet për numrin e njerëzve që lexojnë.

Ai tha se tani prodhohet më mirë dhe më shumë se në vitet e mëparshme.

“Unë panairin e shoh si ngjarjen kulturore më të madhe të vendit. Mendoj që është në planin kulturor, nuk gjej ndonjë gjë më të rëndësishme në planin kulturor. Është një panair ku të gjitha energjitë intelektuale, kreative të kombit kompensohen aty, njerëzit mblidhen. Unë mendoj se disa njerëz janë të lidhur me kulturën në një mënyrë apo në tjetrën. Në qoftë se nuk shkojnë në panair, në një nga ditët e panairit kam përshtypjen se ndiejnë një mungesë, një zbrazëti dhe në vetvete. Madje ky është një nga kriteret me të cilin unë mas nivelin intelektiv të njerëzve. Kur bëhet panairi ti e bën një vizitë, blen një gjë aty. Nëse shkon në panair dhe blen diçka, unë mendoj se ti futesh te sera e atyre njerëzve që kanë një lloj interesi për kulturën, për librin në përgjithësi. Ajo shifra 20 me 80 nuk më tremb shumë. Në qoftë se ma garantoni se 20% e shqiptarëve lexojnë nuk është shifër e keqe. Panairi është parë dhe si një platformë nga autorët si të ekspozohen nga kategoria jonë p.sh. që kanë kontakte të rëndësishme, shfytëzohet për një lloj marketingu nga njerëz që kanë akses në media. Jo më kot kanë dhe shitje të mira.

Kam përshtypje që ne e dramatizojmë shpeshherë situatën, nuk ka prodhime të mira, nuk ka libra të mira. Unë mendoj se asnjëherë në Shqipëri nuk është prodhuar në fushën e librit më shumë sesa kaq dhe më mirë sesa kaq. Me periudhën para komunizmit as mund të krahasohemi, po e lëmë mënjanë anën ideologjike.

Sot prodhohet në mënyrë cilësore shumë më shumë se sa është prodhuar. Janë botime të mirë që unë vetë do doja t’i kisha në shtëpi dhe t’i lexoja me radhë. Ka shumë autorë. Janë nja 30-40 autorë shqiptarë që prodhojnë libra me rastin e panairit ose gjatë vitit dhe do doja t’i kisha në shtëpi, që ia vlen ti lexosh, janë prodhime serioze dhe në plan akademik dhe në plan artistik. Ka një lloj prodhimtarie që e shoh si shenjë të mirë”, deklaroi Nano./ CNA.al





Lajmet e fundit nga