Plehrat e Artur Zhejit dhe taksat e papaguara të Irfanit

14 Gusht 2022, 19:15, Aktualitet CNA

Plehrat e Artur Zhejit dhe taksat e papaguara të Irfanit

Artur Zheji dhe Irfan Hysenbelliu

Dy personazhe të ndryshëm në llojin e vet, njëri ish-kapter i kthyer në biznesmen, tjetri politolog, analist, gazetar, shkrimtar, filozof, por që kanë disa të përbashkëta.

Irfani për shembull ka pasion të mos paguajë taksat.

Këtë ka vërtetuar tashmë në vite me detyrimet që ka në shtet.

Edhe më tepër për taksat e deklaruara, pa folur pastaj për evazionin fiskal, faturat fiktive dhe gjithçka që ka dalë fundmi në kontrollin e Tatimeve, që e ka çmendur Irfanin.

Nga ana tjetër, Irfani ka edhe televizionin "News 24", ku shfaqet intelektuali me famë botërore Artur Zheji.

Njeriu që gazetarinë e ka përdorur për politikë, për interesa të tij, ka qenë kandidat për deputet, drejtor i "RTSH"-së, në kohën e Fatos Nanos.

I mirëpaguar sa tek Irfani, te Henri Çili, te vasalët e pushteteve të socialistëve apo demokratëve, por që me sa duket nuk di të hedhë as plehrat e tij.

Njeriu që mban leksione në ekran, as qesen e plehrave nuk di ta hedhë. E lë te shkallët e apartamentit, te dera e lokalit ngjitur dhe më pas komshinjtë ia marrin dhe ia vendosin sipër makinës, siç ka raportuar sot CNA.al. (lajmi këtu)

Plehrat mbi "Range Rover"-in e Artur Zhejit

Shqipëria ka dy fenomene.

Njëri që s’paguan taksat dhe tjetri që s’di të hedhë as plehrat.

I pari ka një televizion, i dyti del dhe llomotit atje, jep mend dhe leksione se çfarë duhet bërë në Shqipëri, se si duhet të ecë politika përpara dhe si duhet të zhvillohet vendi.

S’ka nevojë për shumë fjalë, kush është Irfani dhe kush është Artur Zheji.

Faktet flasin vetë.

Zhejin e gjeni gjithmonë në ekranin e atij që s’paguan taksat, por kurrsesi nuk thotë se çfarë duhet të bëjnë shqiptarët dhe si duhet t’i hedhin plehrat.

Të paktën në Sarandë, sot Zhejit i dhanë një leksion, qesen e plehrave ia vunë mbi makinë, ashtu si Irfanit i dhanë leksion Tatimet dhe Doganat kur e kapën me evazion fiskal, me shkelje të ligjit dhe e çuan në Prokurori për skandalet e tij.

Dy personazhe në një ekran ndiqini dhe shijojini, por shqiptarët gjithnjë duhet të kujtojnë se njëri s’paguan taksat dhe tjetri s’di të hedhë as plehrat./ CNA.al