LEXO PA REKLAMA!

SHKARKO APP

Festa magjike e Birrës/ Zbulohen të tjerë artistë që do të 'ndezin' atmosferën në Korçë

13 Gusht 2022, 22:24, Aktualitet CNA
Festa magjike e Birrës/ Zbulohen të tjerë artistë që do
Foto nga Festa e Birrës së viteve të kaluara në Korçë

Për plot 5 netë me radhë, qyteti i Korçës do të mbajë Festën e Birrës, festën më të madhe verore që do të shoqërohet me atmosferë fantastike.

Kur kanë mbetur edhe 4 ditë nga Festa e Birrës, e cila do të mbahet në datat 17-21 gusht, janë zbuluar të tjerë artistë që do të performojnë në Korçë.

Më herët u bë e ditur se në Korçë do të performojnë Konstantinos Argiros, Capital T, grupi shumë i dashur për publikun West Side Family, Lore, Dj i famshëm Vin Veli, Eugent Bushpepa, Tiri Gjoci, Brios Band dhe Flashback.

Ndërkohë, mësohet se pjesë e kësaj feste magjike do të bëhen edhe Aurela Gaçe, Anxhela Peristeri, Eranda Libohova, Offchestra, Lore, All in Band, Brios Band dhe Niko Dj.

Festa magjike e Birrës/ Zbulohen të tjerë artistë që do

Siç edhe është njoftuar, risia e këtij viti në Festën e Birrës është edhe zona me rezervime. Kjo zonë është e pozicionuar përballë skenës, e kufizuar nga pjesa tjetër e sheshit, me hyrje dhe dalje të dedikuara.

150 tavolina në zonën me rezervime janë në dispozicion për këdo që dëshiron një vend të zgjedhur në festë, komoditet dhe shërbim në tavolinë.

Tavolinën mund ta rezervosh fare thjesht duke hyrë në faqen "www.festaebirres.com" ku gjen dhe të gjitha sqarimet dhe vlerat e pagesës për rezervim sipas ditëve.

Pagesa që shkon për rezervimin e tavolinës konsumohet e gjitha pije, ushqim nga personat në të, pra tavolina është falas.

Për ata që nuk duan të rezervojnë një tavolinë, gjithë hapësira tjetër e festës veç zonës me rezervime është e lirë dhe nuk kërkon rezervim paraprak./ B.A. - CNA.al

Lajmet e fundit nga