web counter
LEXO PA REKLAMA!

SHKARKO APP

App Store
Google Play

E fundit!

x

“I bëj thirrje urgjente Ministrisë së Jashtme”/ Meta: Mos braktisni qytetarët në Kakavijë

13 Gusht 2022, 10:54, Aktualitet CNA

“I bëj thirrje urgjente Ministrisë së Jashtme”/

Radhë të gjata, deri në katër kilometra  janë raportuar sot në  pikën kufitare të Kakavijës. 

Shkak mësohet se është bërë mungesa e shërbimit nga pala  greke.

Kjo situatë ka çuar edhe në reagimin e kreut të PL-së Ilir Meta, i cili kërkon reagimin e institucioneve shqiptaere.

“Çdo qytetar shqiptar meriton të trajtohet me dinjitet, jo si njeri pa shtet dhe pa atdhe! I bëj thirrje urgjente Qeverisë dhe Ministrisë për Europën dhe Punët e Jashtme, të vendosin menjëherë kontaktet me palën greke, për të marrë të gjitha masat efektive për lehtësimin dhe garantimin e lëvizjes së lirë të qytetarëve në pikat e kalimit kufitar. Rikthimi i radhëve kilometrike në Kakavijë është i papranueshëm!

U kërkoj autoriteteve përgjegjëse shtetërore të ndërpresim menjëherë pushimet, të ngrihen në këmbë dhe të marrin çdo masë të duhur dhe të mundshme për të mos përsëritur kurrë më krizat humanitare në Kakavijë, ku mijëra emigrantë e shtetas shqiptarë, fëmijë e të moshuar u lanë të braktisur dhe në kushte tejet të vështira, por minimalisht t'i informojnë në kohë qytetarët dhe me transparencë për çdo vonesë.

I inkurajoj gjithashtu autoritetet greke, që në respekt të frymës së fqinjësisë së mirë dhe marrëdhënieve të ngushta tradicionale, të bëjnë gjithçka për të shmangur situata të papranueshme dhe kriza humanitare në pikat e kalimit kufitar, imazhet e të cilave i turpërojnë të dyja vendet tona”, ka shkruar Meta në rrjete sociale./CNA.al

 





Lajmet e fundit nga