web counter
LEXO PA REKLAMA!

SHKARKO APP

App Store
Google Play

E fundit!

x

Alabbar: Çmimet e rezidencave në Portin e Durrësit, të përshtatshme për Shqipërinë

11 Gusht 2022, 16:03, Aktualitet CNA
Alabbar: Çmimet e rezidencave në Portin e Durrësit, të
Drejtuesi i kompanisë “Emmar”, Mohamed Alabbar

Drejtuesi i kompanisë “Emmar”, Mohamed Alabbar, deklaroi se çmimet e rezidencave që do të ndërtohen në projektin e Portit të ri të Durrësit, do të përshtaten me nivelin e Shqipërisë.

Në një intervistë ekskluzive për “Euronews Albania”, Alabbar u shpreh se do të ketë një variacion të çmimeve dhe shtoi se shqiptarët do të mbeten të kënaqur me shërbimin.

“Ne jemi në Shqipëri ndaj dhe çmimet do të përshtaten me Shqipërinë. Do të ketë ndryshim mes atyre rezidencave apo hapësirave që shikojnë nga deti, apo nga marina dhe kjo varet edhe nga cilësia.

Do të ketë një variacon të çmimeve, por gjithsesi duke qëndruar në nivelin e Shqipërisë. Shërbimi që ne do të ofrojmë, do të sjellë kënaqësi për shqiptarët. Ne do të mundohemi të qëndrojmë brenda nivelit të Shqipërisë për punën e çmimeve. Ne e kemi studiuar tregun për disa vite", tha ai.

Alabbar theksoi se vetëm një pjesë e rezidencave do të shiten, ndërsa dyqanet do të jenë në pronësi të kompanisë, për të ruajtur cilësinë e shërbimeve.

Ditën e djeshme, u nënshkrua Memorandumi i Bashkëpunimit për ndërtimin e portit turistik të Durrësit.

Investimi prej 2 miliardë dollarësh është një bashkëpunim midis “Eagle Hills Real Estate Development” Sh.p.k., përfaqësuar nga investitori e zhvilluesi me famë botërore Muhammed El Alabbar dhe “Albanian Seaports Development Company”.





Lajmet e fundit nga