web counter
LEXO PA REKLAMA!

SHKARKO APP

App Store
Google Play

E fundit!

x

Policia që s’të lë të shkelësh në dërrasë të kalbur/ Sukseset e “bluve” të Korçës

12 Gusht 2022, 12:06, Aktualitet CNA

Policia që s’të lë të shkelësh në

Nga Policia e Korçës raportohet suksesi i radhës. Në aksin rrugor Voskopojë-Vithkuq, është pikasur një automjet "Benz" që Policisë i është dukur kamion, pasi në bagazh kishte vënë dru zjarri.

Drejtuesi i benzit-kamion është larguar pa iu ndaluar policisë, por gjithsesi suksesi është shënuar pasi policët e kanë parë një bagazh me dru.

“Ky shtetas është konstatuar nga punonjësit e shërbimit pyjor, në aksin rrugor Voskopojë-Vithkuq, me mjetin tip “Benz” të ngarkuar me dru zjarri, sasi për të cilën dyshohej të ishte pa dokumentacionin përkatës dhe i kanë bërë me shenjë të ndalonte.

45-vjeçari ka kundërshtuar punonjësit dhe është larguar së bashku me mjetin. Nga ana e Policisë po punohet për kapjen e shtetasit B. P. dhe dokumentimin e ngjarjes”, njofton Policia.  

Por një tjetër sukses, që mban firmën e Policisë së Korçës, është zënia e një 59-vjeçari, në fshatin Sul të Devollit, duke kryer punime mirëmbajtjeje në shtëpi të tij.

Për policët e Korçës ka një ligj që nuk të lejojnë të mirëmbash as shtëpinë tënde. Madje, edhe nëse hija e njeriut është më e gjatë sesa vetë personi ata e konsiderojnë ndërtim pa leje.

Ndërkohë që në Tiranë gjen ndërtime, dhjetëra katesh pa leje, në mes të kryeqytetit dhe askush nuk ndërmerr asnjë masë.

Po, në Korçë dhe rrethina kemi polici që s’të lënë të shkelësh në dërrasë të kalbur.

“Specialistët për Hetimin e Krimeve në Komisariatin e Policisë Devoll referuan materialet në Prokurori dhe filloi procedimi penal në gjendje të lirë për shtetasit F. I., 59 vjeç, banues në Tiranë dhe E. H., 40 vjeç, banues në fshatin Sul, Devoll, për veprën penale 'Ndërtimi i paligjshëm', pasi në fshatin Sinicë, Devoll, në banesën e shtetasit F. I., u konstatuan duke kryer punime ndërtimi pa leje”, njofton Policia./CNA.al





Lajmet e fundit nga