E fundit!

15:57 Aktualitet

VIDEO-Vrasja në Maliq, Lamallari “zbarkon” në Policinë e Korçës

Ministri i Brendshëm, Besfort Lamallari, ka zbarkuar në Dr...

Kostandin Luçi, akuza ndaj Artan Lames/ Gjesti që tregon bindjet anti-Orthodokse të kreut të Kadastrës

11 Gusht 2022, 21:55, Aktualitet CNA

Kostandin Luçi, akuza ndaj Artan Lames/ Gjesti që tregon bindjet

Kryetari i Kadastrës, Artan Lame

Historiani Kostandin Luçi ka sulmuar mbrëmjen e sotme kryetarin e Kadastrës, Artan Lame.

Me anë të një statusi në rrjetet sociale, Luçi ka publikuar një foto ku shihet se Lame ka pëlqyer statusin e Foti Cicit, për të cilin historiani thotë se bën propagandë anti të Krishterë Orthodokse dhe anti KOASH (Kisha Orthodokse Autoqefale Shqiptare).

Ai shprehet se kreu i Kadastrës është një ndjekës i rregullt i faqes së Foti Cicit dhe propagandës së tij.

Sipas tij, kjo tregon se Artan Lame është një anti-Orthodoks dhe ka bindje anti-KOASH.

Luçi ngre akuzat se zyrtarët e qeverisë po vazhdojnë të njëjtën maskaradë me gënjeshtra ndaj shqiptarëve, ashtu sikundër dhe Foti Cici ndaj KOASH.

“Kreu i Kadastrës, z. Artan Lame më në fund ashtu si struci, e nxorri kokën e tij, duke treguar dhe njëherë se është një anti Orthodoks dhe anti Kishës Orthodokse Autoqefale Shqiptare. Kreu i Kadastrës, z. Artan Lame është një ndjekës i rregullt i faqes së Foti Cicit, ku dhe i jep like për shkrimet e Foti Cicit ndaj klerikëve të nderuar të Kishës sonë dhe ndaj mitropolitëve tanë të bekuar. Edhe pse Foti Cici ka ndërruar emrin e faqes nga Shqiptar Orthodoks në Foti Cici, ai gjithashtu ka hapur dhe një faqe tjetër të quajtur Ortodoksia Shqiptare.

Propaganda e Foti Cicit, është një propagandë anti e Krishterë Orthodokse dhe anti KOASH dhe si e tillë ajo duhet dënuar nga kushdo, por mesa duket kjo propagandë gënjeshtrash dhe këto shpifje i pëlqejnë zyrtarëve të qeverisë, të cilët vazhdojnë të njëjtën maskaradë me gënjeshtra ndaj shqiptarëve, ashtu sikundër dhe Foti Cici ndaj KOASH.

Miqtë e mi, ne të gjithë jemi realistë për atë që ka ndodhur në Shqipëri, e cila është bekuar me ardhjen e Kryepiskopit Anastas, jemi të bekuar me mitropolitët tanë, jemi të bekuar me klerikët tanë. Unë si Kostandin, nuk kërkoj të përçoj urrejtje, por vetëm dashuri për këdo dhe kurdo, por asnjëherë nuk mund të rri i qetë kur shoh shpifjet që bëhen ndaj KOASH-it dhe kjo është një ndër shumë arsyet pse unë përpiqem me aq sa mundem që t’i tregoj sa më shumë njerëzve të vërtetën, e cila është shkruar vetëm në Ungjill dhe të vërtetën tjetër që ne si Orthodoksë jemi të bekuar me kryepiskopin Anastas. Amin”, shkruan historiani./ B.A. – CNA.al