web counter
LEXO PA REKLAMA!

SHKARKO APP

App Store
Google Play

E fundit!

x

Përballja me drejtësinë dhe mandati si kryebashkiak/ Ngjela “zbulon” të pathënat, çfarë e pret Fredi Belerin

25 Maj 2023, 16:41, Aktualitet CNA

Përballja me drejtësinë dhe mandati si kryebashkiak/ Ngjela

Avokati Spartak Ngjela ka folur rreth mandatimit të Fredi Belerit si kryebashkiak të Himarës.

Ngjela në një intervistë për Euronews Albania është shprehur se edhe pse Bleri është në burg ka mundësi që të betohet dhe më pas të rikthehet sërish në qeli.

Ngjela ndër të tjera ka parashikuar fatin e Belerit duke thënë se do dënohet me një vendim të GJKKO dhem për veprën penale që ka kryer do ta dënojnë me burg nga 1 vit deri në 5 vjet.

“Beleri prezumohet i pafajshëm. Pavarësisht se është i arrestuar, nuk ka një vendim gjyqësor të formës së prerë. Deri në momentin që nuk ka një vendim të formës së prerë nuk e ndalon dot njeri ligjërisht që ata që e kanë zgjedhur të vijojnë procedurën. Deri këtu jemi në një proces normal. Por ai është në burg dhe nuk ka mundësi të bëjë betimin. Ose do ta lejojnë të bëjë betimin dhe të kthehet në burg, por bërja e betimit ka një afat i cili duhet të respektohet.

Por duhet të sqarojmë një gjë se nuk ka shpresë të jetë kryetar i bashkisë së Himarës. Pasi ligji thotë që një kryetar bashkie që dënohet me një vendim të formës së prerë nga gjykata, nuk mund të jetë më kryetar bashkie, i hiqet mandati.

Pasi të dalë në gjyq dhe gjyqin do ta bëjën shpejt. Pasi të mbarojnë dy gjyqet e tij, ku prokuroria ka provat e plota, do dënohet me një vendim të GJKKO dhe vepra penale që ka bërë është nga 1 vit deri në 5 vjet. Nëse ai dënohet nuk do të mund të jetë më kryetar bashkie”, tha Ngjela./CNA.al

 





Lajmet e fundit nga