LEXO PA REKLAMA!

SHKARKO APP

Rezoluta në PE/ Eurodeputetët mirëpresin çeljen e negociatave për Shqipërinë, i vënë kushte për plotësimin e kritereve

24 Maj 2023, 22:33, Aktualitet CNA

Rezoluta në PE/ Eurodeputetët mirëpresin çeljen e

Komiteti për Punët e Jashtme në Parlamentin Evropian ka miratuar rezolutën për Shqipërinë për integrimin në BE, duke e cilësuar si aleate të rëndësishme gjeopolitike dhe partnere të besueshme.

Raporti u miratua me 52 vota pro, 5 kundër dhe 10 abstenime, por sërish Shqipërisë i duhet të përmbushë disa kushte që të anëtarësohet në BE.

Eurodeputetët rekomandojnë që qeveria shqiptare të bashkëpunojë me opozitën për reformat e BE-së. Por sipas tyre, kriteret e anëtarësimit duhet të përmbushen para vitit 2030.

"Vendimmarrësit të punojnë së bashku drejt përmbushjes së kritereve të anëtarësimit jo më vonë se 2030", thuhet në raport.

Më tej, Komiteti në PE përmend nevojën për struktura të qëndrueshme kundër korrupsionit, krimit kibernetik, trafikimit të qenieve njerëzore dhe pastrim i parave.

Gjithashtu raporti kërkon që Shqipëria të garantojë lirinë e medias, të fuqizojë shoqërinë civile, të garantojë të drejtat themelore dhe të drejtat e pakicave, përfshirë komunitetin LGBTI+, si dhe të forcojë bashkëpunimin e saj me institucionet e BE-së.

Nga ana tjetër, reporterja për Shqipërinë në PE, Isabel Santos tha se vendi ynë është angazhuar në zbatimin e reformave.

“Shqipëria ka demonstruar një angazhim të thellë në procesin e integrimit, duke zbatuar reforma të vështira. Rezultati i votimit të sotëm tregon njohjen e këtyre përpjekjeve nga Parlamenti Evropian dhe përafrimin e plotë të Shqipërisë me Politikën e Përbashkët të Jashtme dhe të Sigurisë të BE-së. Është njohja e meritës së treguar nga vendi në rrugën e tij drejt anëtarësimit në BE”, deklaroi Santos.

Ndërkohë, raporti do të dorëzohet për votim në Parlamentin Evropian në tërësi në seancën plenare, në qershor./ CNA.al

Lajmet e fundit nga