LEXO PA REKLAMA!

SHKARKO APP

Qeveria e Katarit, grant 11 milionë euro për sheshin në Bulevardin e Ri/ Veliaj: Tirana e shekullit të ardhshëm

24 Maj 2023, 12:43, Aktualitet CNA

Qeveria e Katarit, grant 11 milionë euro për sheshin në

Qeveria e Katarit i ka miratuar një grant 11 milionë euro Bashkisë së Tiranës për realizimin e sheshit fundor në Bulevardin e Ri.

 Kryebashkiaku Erion Veliaj e ka bërë me dije këtë lajm gjatë një takimi me ambasadorin e Katarit në Tiranë, Ali bin Hamad Al-Marri.

Veliaj e ka cilësuar këtë projekt si qershinë mbi tortë dhe shprehu bindjen se me këtë shesh të ri, në një zonë po ashtu të re si Bulevardi i Ri, merr formë Tirana e shekullit të ardhshëm.

 “Sot kemi marrë një superlajm të mirë nga nga Katari, për të cilin i shpreh mirënjohjen time Emirit të Katarit, Shkëlqesisë së tij Al Thani, por edhe mikut tonë, ambasadorit Al Marri.

Qeveria e Katarit na ka akorduar një grant prej 11 milionë eurosh për sheshin përfundimtar te “Bulevardi i Ri”, një shesh që do të jetë një bashkëpunim mes Bashkisë së Tiranës dhe Qeverisë së Katarit, i projektuar nga studio Grimshaw, që mbyll në mënyrë solemne “Bulevardin e Ri”, aty ku ndahemi me Kamzën.

Jam vërtet shumë mirënjohës sepse është një projekt që ka nevojë për atë që quhet ‘qershia mbi tortë’, për një mbyllje ceremoniale.

Besoj fort se do të lëmë një shenjë që do të jetë aty përtej mandateve tona. Ndaj, ju jam vërtet shumë mirënjohës, Emirit të Katarit, Fondit të Katarit për Zhvillim dhe gjithë miqve të përbashkët.

Ashtu siç kemi bërë punë cilësore për shkollat dhe për kopshtet, më vjen mirë që do të kemi vërtet një punë monumentale në Bulevardin e ri të Tiranës, ku praktikisht do të marrë formë Tirana e 100 viteve që vijnë.

Aty kemi parashikuar të ndërtojmë bashkinë e re, kemi parashikuar të kalojnë gjykatat, Prokuroria dhe disa nga ndërtesat e rëndësishme si Pallati i ri Koncerteve, apo Muzeu i Artit Modern, dhe mbyllja me atë shesh spektakolar të Katarit besoj se do të jetë vërtet përgjigjja e merituar për të gjithë këtë përpjekje të përbashkët për Tiranën, që ecën përpara dhe që modernizohet përditë”, tha Veliaj./ CNA.al

Lajmet e fundit nga