web counter
LEXO PA REKLAMA!

SHKARKO APP

App Store
Google Play

E fundit!

x

Godole, me tone të ashpra për restaurimin e Mozaikut/ BE financoi falsifikimin e historisë

23 Maj 2023, 13:54, Aktualitet CNA

Godole, me tone të ashpra për restaurimin e Mozaikut/ BE financoi

Ekspertja e Komunikimit, Jonila Godole, ka reaguar ashpër për restaurimin e Mozaikut në Muzeun Kombëtar në Tiranë.

Në një reagim në rrjete sociale, Godole shkruan se me 1 milion euro që Bashkimi Europian ka shpenzuar me këtë projekt mund të kishte ndërtuar muze në disa vende të tjera si në Tepelenë apo Spaç.

Sipas Godoles, Bashkimi Europian me këtë vepër ka financuar falsifikimin e historisë dhe jo ruajtjen e trashëgimisë kulturore.

“Në lidhje me Mozaikun në Muzeun Kombëtar mund të them vetëm kaq: EU ka financuar falsifikimin e historisë dhe jo ruajtjen e trashëgimisë kulturore.

Mozaiku duhej hequr nga fasada qysh në fillim të 1990-ës duke mos i bërë asnjë ndërhyrje veprës origjinale, dhe duhej futur brenda në muze për të dëshmuar si iu shpëla truri këtij populli për 45 vjet.

Restaurimi i tij më shumë se sa i atribuohet dëmeve nga tërmeti, besoj se ka lidhje me një qasje patronazhimi të qeverisë socialiste ndaj çdo objekti dhe godine që përfaqëson denjësisht periudhën komuniste.

A duhej restauruar mozaiku, sepse ai i shërbeka brezit të ri që të njohë historinë e popullit, siç thonë disa? Me 1 milion Euro që BE ka shpenzuar për restaurimin e tij, mund të qenë ngritur muzetë në Spaç e Tepelenë. Brezi i ri mund të merrte në këto muze ato mesazhe që nuk ia jap ky mozaik. Edhe këto vende janë simbole të trashëgimisë sonë të dhimbshme historike, pavarësisht se nuk i japin dritë fasadës moderne, me të cilën kërkon të mbulojë qeveria të shkuarën e palavdishme të partisë së vet.

Nuk di të ketë pasur ndonjë debat mes ekspertëve dhe përfaqësuesve të BE përpara se të miratonin fondin për restaurimin e mozaikut. Por do kishte qenë me vend. Dëshira e mirë për të ndihmuar, nuk mjafton”, shkruan ajo./CNA.al

 

 





Lajmet e fundit nga