web counter
LEXO PA REKLAMA!

SHKARKO APP

App Store
Google Play

E fundit!

x

Pas Vjollcës, grupi i strukturuar kriminal i inceneratorëve bashkëpunoi me Lori Hoxhën

22 Korrik 2024, 11:39, Aktualitet CNA
Pas Vjollcës, grupi i strukturuar kriminal i inceneratorëve
Vjollca Hoxha dhe Lori Hoxha

SPAK-u para pak ditësh publikoi një njoftim pas disa urdhër-arresteve, masave të sigurisë të dhëna nga GJKKO-ja në lidhje çështjen e inceneratorëve. Ky ishte grupi i tretë i masave të dhëna për inceneratorët dhe SPAK-u njoftoi se hetimet po vazhdojnë. (Lexo këtu)

Ajo që theksoi SPAK-u ishte se kishim të bënim me një grup të strukturuar kriminal, me në krye Mirel Mërtirin apo Klodian Zoton, që bashkëpunonte me zyrtarë të Bashkisë Tiranë dhe zyrtarë të tjerë të qeverisë, disa prej tyre pas hekurave për aferën e inceneratorëve. (Lexo këtu)

Në fakt, hetimet vazhdojnë, po kryhen verifikime dhe është marrë në pyetje shtetasja Vjollca Hoxha, e cila ka drejtuar “Top Channel”, që ka pasur ortakëri me Mirel Mërtirin, me Klodian Zoton, me disa kompani nga Bullgaria dhe në Tiranë.

Pronarët e inceneratorëve ishin njerëzit të cilët paguan rreth 2 milionë euro për të blerë “Lori Caffe” dhe më pas kjo kompani iu rikthye sërish Vjollca Hoxhës, pasi nuk kishte respektuar një pikë të kontratës për 100 mijë euro të papaguara. (Lexo këtu)

Historia nuk fillon dhe nuk përfundon vetëm me Vjollca Hoxhën. Pas Vjollca Hoxhës, Mirel Mërtiri bashkëpunoi me Lorela Hoxhën, Lorin e “Top”-it, e cila tashmë ka marrë administrimin e “Top Channel”. (Lexo këtu)

Pas Vjollcës, grupi i strukturuar kriminal i inceneratorëve
Vjollca Hoxha dhe Lori Hoxha

Përveç pagesave të kryera nga kompania e inceneratorit dhe njerëzit e saj, Lorela Hoxha ktheu televizionin “Top Channel”, por edhe “Top News”-in në një bateri sulmesh kundër prokurorëve të SPAK-ut dhe në mbrojtje e në avokati të çështjes së inceneratorëve. (Lexo këtu)

Mjaftonte të shikoje ekranin e “Top News” për të kuptuar se çfarë kishte ndodhur, ashtu sikundër kohë më parë Vjollca Hoxha, nëna e Lorit, largoi stafin nga puna me akuza të ashpra për gjobëvënie. (Lexo këtu)

Më pas Lori Hoxha riktheu mëkëmbësin e Mirel Mërtirit në Tiranë, njeriun e mediave, Endrit Habilaj, tashmë të shpallur në kërkim nga SPAK-u, në krye të “Top News”. (Lexo këtu)

Pas Vjollcës, grupi i strukturuar kriminal i inceneratorëve
Endrit Habilaj

Pra, bashkëpunimi i Lorela Hoxhës me njerëzit e inceneratorëve ka vazhduar. Për më tepër, qarqet mediatike theksojnë se ka pasur edhe takime midis saj dhe Mirel Mërtirit gjatë kohës që ai kishte ikur në arrati në Vjenë, por këto u përkasin më tej hetimeve të SPAK-ut për të zbardhur të vërtetën deri në fund.

Në fakt, hetimet nuk janë mbyllur dhe gjithçka nuk mbyllet me disa zyrtarë apo drejtorë, qofshin këta edhe të rëndësishëm në Bashkinë e Tiranës, apo edhe në qeveri. (Lexo këtu)

Grupi kriminal i inceneratorëve ka pasur bashkëpunëtorë në media, ka pasur njerëz që i ka paguar, të cilët duhen hetuar të gjithë deri në fund kushdo qofshin ata, përfshirë njerëz me rëndësi të ulët apo pronarë të rëndësishëm mediash, siç është rasti i Vjollca Hoxhës, Lori Hoxhës, etj./ CNA





Lajmet e fundit nga