web counter
LEXO PA REKLAMA!

SHKARKO APP

App Store
Google Play

E fundit!

x

Vrasja e trefishtë/ Balla: Drejtuesit e policisë janë në Memaliaj, të zbardhet sa më shpejt

21 Korrik 2024, 14:08, Aktualitet CNA
Vrasja e trefishtë/ Balla: Drejtuesit e policisë janë në
Taulant Balla

Ministri i Brendshëm, Taulant Balla ka reaguar për vrasjen e trefishtë në Memaliaj. 

Në një postim në rrjetet sociale Balla nënvizon se drejtuesit më të lartë të Policisë së Shtetit janë në Memaliaj dhe pret që të bëhet më shpejt zbardhja e ngjarjes. 

"Është detyrë kryesore e Policisë së Shtetit parandalimi i ngjarjeve kriminale, duke vlerësuar rrezikun dhe u angazhuar në zbardhjen e ngjarjeve të vjetra kriminale. Janë këto ngjarje të vjetra kriminale rrezik potencial për ngjarje të reja. Ndërsa drejtuesit më të lartë të Policisë së Shtetit janë në Memaliaj ku presim zbardhjen sa më parë të jetë e mundur, Drejtoria Vendore Policisë Lezhë sapo ka parandaluar një ngjarje të rëndë kriminale. Falë reagimit në kohë janë sekuestruar armët e zjarri dhe mina me telekomandë, të cilat do të përdoreshin dhe është ndaluar në flagrancë autori i dyshuar", shprehet Balla. 

Ngjarja me tre viktima dhe një të plagosur që ndodhi në orët e vona të së shtunës në një lokal në Memaliaj ka tronditur opinion publik. 

Dyshohet se shënjestër e atentatit ka qenë Shyqyri Kalemi, babai i Andrea Kalemit. Ndërsa dy viktimat e tjera janë kamerieri 36-vjeçar, Gledio Muka dhe klienti 47-vjeçar, Marsel Çela. Këta të fundit nuk kanë pasur lidhje me ngjajen. 

Raportohet se 36-vjeçari ka qenë pranë tavolinës së shënjestrës kur ky i fundit është qëlluar me kallashnikov nga autorët.

Ndërsa klienti Çela ka qenë në lokal, por është kapur nga plumbat.

Ndërkohë, 74-vjeçari Shyqyri Kalemi ka qenë në tavolinë me të vëllanë i tij, i cili ka mbetur i plagosur. Ky fundit ndodhet në gjendje të rëndë pasi ka marrë dy plumba një në kofshë dhe një në kraharor dhe po merr mjekim në spitalin e Gjirokastrës. 

Policia ka sekuestruar kamerat e sigurisë dhe dyshon se autorët kanë qenë 3./CNA 





Lajmet e fundit nga