web counter
LEXO PA REKLAMA!

SHKARKO APP

App Store
Google Play

E fundit!

x

Lajm i hidhur/ Ndahet nga jeta Mitropoliti i Beratit, Vlorës dhe Kaninës

20 Korrik 2024, 13:23, Aktualitet CNA
Lajm i hidhur/ Ndahet nga jeta Mitropoliti i Beratit, Vlorës dhe
Mitropoliti i Beratit, Vlorës dhe Kaninës, Imzot Ignati

Këtë të shtunë është ndarë nga jeta në moshën 89-vjeçare, Mitropoliti i Beratit, Vlorës dhe Kaninës, Imzot Ignati.

Lajmin e ka konfirmuar Radio Ngjallja.

Mitropoliti i Beratit, Vlorës dhe Kaninës, Imzot Ignati (Trianti), ishte arvanitas me origjinë nga Thiva, dhe zotëronte gjuhën shqipe.

Studimet ai i kreu në Shkollën Kishtare “Patmiadha”, në Fakultetin Teologjik të Universitetit të Athinës dhe në Konservatorin e Pireut.

Imzot Ignati shërbeu si predikues dhe mësimdhënës laik në Kryepiskopatën e Shenjtë të Athinës. Në vitin 1967 u dorëzua dhjak dhe prift nga Mitropoliti i Thivës dhe Livadhjasë, Nikodhimi, dhe shërbeu si meshtar në Kishën Katedrale dhe si Epitrop Arkihieratik i Thivës (1967-1972), Igumen i manastirit të shenjtë “Oshënar Llukai” të Livadhiasë (1968-1976) dhe i manastirit “Oshënar Serafimi”, të Dhomvus (1975-1996), predikues (1972-1992) dhe atë shpirtëror i kësaj Mitropolie (1962-1996).

Mitropoliti ka shkruar koleksionin me tri vëllime “Poezitë e Kallogjerit” dhe librat “Përulësia sipas Shkrimit të Shenjtë dhe Etërve të Kishës”.

Ai u nderua nga Akademia e Athinës për librin e tij të fundit: “Jerondi i Patmos, hieromonaku Amfilohios Makri”.

Më 24 qershor 1992 u zgjodh nga Sinodi i Shenjtë i Patrikanës Ekumenike Mitropolit i Beratit, Vlorës dhe Kaninës. Ai u dorëzua episkop më 27 qershor 1996 dhe u fronëzua nga Kryepiskopi, Fortlumturia e Tij Anastasi, më 18 korrik 1998, në Berat./ CNA





Lajmet e fundit nga