web counter
LEXO PA REKLAMA!

SHKARKO APP

App Store
Google Play

Problemi kibernetik/ Shërbimet globale po i rikthehen normalitetit

20 Korrik 2024, 10:02, Aktualitet CNA

Problemi kibernetik/ Shërbimet globale po i rikthehen normalitetit

Biznese dhe shërbime në gjithë botën gradualisht janë duke iu kthyer normalitetit, pas një problemi kibernetik, që ka prekur sistemet kompjuterike për disa orë të enjten dhe të premten.

Biznese, banka, spitale dhe kompani ajrore janë prekur më së shumti, pasi një përditësim i sistemit, i nisur prej kompanisë së sigurisë kibernetike Crowdstrike, ka shkuar keq dhe për pasojë është prekur sistemi Microsoft Windows.

Kompania Crowdstrike ka kërkuar falje për komplikimet dhe ka thënë se problemi është rregulluar, mirëpo e ka pranuar që do të duhet kohë derisa të kryhet e gjitha puna.

CrowdStrike, kompani amerikane, është në mesin e kompanive më të njohura në botë, e cila ka më shumë se 20.000 abonues.

Ajo krijon sisteme për t'i mbrojtur pajisjet e klientëve nga viruset kompjuterike.

Kompanitë e fluturimeve kanë raportuar për mijëra fluturime të anuluara dhe operatorët kanë thënë të shtunën se presin që vonesat të vazhdojnë edhe përgjatë fundjavës.

Disa shërbime shëndetësore në Britani, Izrael dhe Gjermani, nuk kanë mundur të ofrohen.

Kaosi global ka rritur shqetësime për cenueshmërinë e teknologjisë së ndërlidhur botërore, dhe shkallën e problemit që mund të shkaktojë një përditësim i vetëm i një sistemi aq të përhapur./ REL





Lajmet e fundit nga