web counter
LEXO PA REKLAMA!

SHKARKO APP

App Store
Google Play

E fundit!

x

Skandali, AZHBR i dha ushtarit të inceneratorëve mbi 310 mijë euro për serën

19 Korrik 2024, 13:36, Aktualitet CNA
Skandali, AZHBR i dha ushtarit të inceneratorëve mbi 310 mijë
Pamje nga videoja e transmetuar nga Belind Këlliçi

Drejtuesi politik i PD-së për Tiranën, Belind Këlliçi, ka denoncuar skandalin.

AZHBR i ka dhënë njeriut të inceneratorëve, Elton Buallit, mbi 310 mijë euro për të ndërtuar një serë në parcelat e blera me paratë e dhëna borxh nga kompania e inceneratorit.

“AZHBR i ka dhënë këtij individi plot 310.538 euro për të ndërtuar një serë, pikërisht mbi këto dy parcela toke që ju treguam më sipër.

Ende sot që flasim, SPAK-u ka harruar të arrestojë këtë individ, SPAK-u ka harruar të vendosë sekuestron mbi këto parcela toke të blera me taksat e shqiptarëve, e mbi të gjitha SPAK ka harruar të sekuestrojë serën e ndërtuar me paratë e taksapaguesve shqiptarë dhe atyre evropianë.

Për shkak të këtyre vjedhjeve, sot fermerët shqiptarë nuk mund të përfitojnë dot më fondet e IPARD. Dua t’i drejtoj dy pyetje kreut të organizatës partnere të PS, Altin Dumanit.

1. Përse është amnistuar shtetasi Elton Bualli?

2. E kujt është sera dhe toka që SPAK-u ka frikë të sekuestrojë?

Për çdo qytetar shqiptar, sot është fare e qartë skema e vjedhjes së qindra milionë eurove me inceneratorin e Tiranës nga grupi i strukturuar kriminal në Bashkinë Tiranë, drejtuar nga Erion Veliaj, por është edhe më e qartë amnistia që SPAK-u po i bën kreut të këtij grupi të strukturuar kriminal.

Garantojmë qytetarët shqiptarë, se ne jemi të vendosur të bëjmë publik çdo fakt dhe provë dhe të çojmë përpara drejtësisë kupolën kriminale të 'Rilindjes'.

O sot, o kurrë. Ju faleminderit”, tha Këlliçi./ CNA





Lajmet e fundit nga