web counter
LEXO PA REKLAMA!

SHKARKO APP

App Store
Google Play

E fundit!

x

Inceneratori i Tiranës i jep Elton Buallit gjysmë milioni euro për toka në landfillin e Sharrës

19 Korrik 2024, 13:19, Aktualitet CNA
Inceneratori i Tiranës i jep Elton Buallit gjysmë milioni euro
Inceneratori i Tiranes

Drejtuesi politik i PD-së për Tiranën, Belind Këlliçi, ditën e sotme ka denoncuar rastin e Elton Buallit, ushtarit të dyshes Klodian Zoto dhe Mirel Mërtiri.

Këlliçi ka bërë me dije se Elton Bualli është personi që shfaqet herë drejtor i inceneratorit të Tiranës, herë drejtor i inceneratorit të Elbasanit dhe po ashtu shfaqet në komunikime me zyrtarë dhe politikanë për të ndërtuar resorte në Tunizi.

Sipas Këlliçit, inceneratori i Tiranës i ka dhënë gjysmë milioni euro borxh Elton Buallit për të blerë toka pranë landfillit të sharrës. Ky shtetas ka blerë rreth 10.500 metra katrorë në landfillin e Sharrës siç mund të shihni në certifikatat e pronësisë.

"Ditën e martë, Prokuroria e Posaçme bëri publike masat e reja të arrestit për punonjësit e inceneratorit fantazmë të Tiranës, duke i quajtur ata një grup të strukturuar kriminal.

Çuditërisht mes këtyre 8 shtetasve, mungonte një ndër emrat kryesorë të kësaj bande, zbatuesi i të gjithë punëve të pista brenda dhe jashtë vendit të dyshes Mërtiri – Zoto, shtetasi Elton Bualli. Se kush është ky personazh, ju ftoj të ndjekim këtë video të shkurtër.

Në 18 tetor të vitit 2020, së bashku me deputeten Ina Zhupa, shkuam në landfillin e Sharrës për të denoncuar skemën kriminale të vjedhjes së 130 milionë eurove, përmes një inceneratori që nuk ekzistonte në këtë landfill.

Siç e patë dhe në video, personi, i cili na sulmoi ne dhe gazetarët e pakët prezentë, ishtë pikërisht Elton Bualli.

Ky individ, herë shfaqet si drejtor i inceneratorit të Elbasanit, herë shfaqet si drejtor i inceneratorit Tiranë, herë shfaqet në komunikimet e tij me zyrtarët në Zimbabve, herë shfaqet në komunikimet në Holandë, herë shfaqet duke dhënë urdhra në e-maile për biznesin e dherave, e çuditërisht ky zotëri shfaqet në komunikimet mes zyrtarëve dhe politikanëve shqiptarë për investime resortesh qindra miliona euro në Tunizi.

Ky individ, ndërkohë na shfaqet edhe si biznesmen. Këtu po ndalemi për një çast: Në ekran do të shihni një kontratë noteriale borxhi të tetorit të vitit 2021, në të cilën inceneratori i Tiranës, i jep gjysëm milioni euro borxh kompanisë së Elton Buallit, për të blerë toka pranë landfillit të Sharrës.

Me paratë e inceneratorit fantazmë, ose më saktë me paratë e qytetarëve të Tiranës, ky shtetas ka blerë 10.500 m2 tokë në Sharrë, siç mundet ta shihni në këto dy certifikata pronësie. Por bujaria e grupit të strukturuar kriminal drejtuar nga Erion Veliaj, nuk mbaron këtu", tha Këlliçi./ CNA





Lajmet e fundit nga