web counter
LEXO PA REKLAMA!

SHKARKO APP

"Tragjikomedia 'SPAK-u, Afërmendshi dhe GjKKO' vazhdon"/ Gjokutaj: Skenaristi është Rama

19 Korrik 2024, 13:38, Aktualitet CNA
"Tragjikomedia 'SPAK-u, Afërmendshi dhe GjKKO'
Genc Gjokutaj

Seanca e radhës në Apelin e Posaçëm për ish-kryeministrin Sali Berisha dhe dhëndrin e tij Jamarbër Malltezi është shtyrë për në 30 korrik. Pritet që të shqyrtohet kërkesa për ndryshimin e masës së sigurisë "arrest shtëpie". 

Ish-kryeministrit iu vunë në dispozicion fashikujt hetimorë nëpërmjet postës elektronike.

Nuk ka munguar edhe një reagim në rrjetet nga avokati i ish-kryeministrit Sali Berisha, Genc Gjokutaj, i cili shprehet se gjykata e "Afërmendshit" i dha 3-4 orë kohë mbrojtjes për t’u njohur me 42 volume të fashikullit të masave të sigurimit. 

Sipas tij tragjikomedia “SPAK-u, Afërmendshi dhe GjKKO” vazhdon. 

Gjokutaj shprehet më tej se skenarist i këtij teatri është Edi Rama. 

Reagimi i plotë:

Sot në GjKKO u zhvillua seanca e tretë në lidhje me diligjencën 2-mujore të hetimit!
Gjykata e Afërmendshit i dha 3-4 orë kohë mbrojtjes për t’u njohur me 42 volume të fashikullit të masave të sigurimit në fillim të procesit në muajin tetor ‘23!
Pas parashtrimeve dhe kërkesës së mbrojtjes për administrimin në dosje të një akti ekspertimi po kjo Gjykatë i jep SPAK-ut 11 ditë kohë për t’u përgatitur me shkrim!
Afërmendsh se ia kërkoi SPAK-u!
Tragjikomedia “SPAK-u, Afërmendshi dhe GjKKO” vazhdon!
Ah, se harrova!
Afërmendshi është emri artistik i KM Edi Rama si skenarist i këtij Teatri!/CNA 





Lajmet e fundit nga