web counter
LEXO PA REKLAMA!

SHKARKO APP

App Store
Google Play

E fundit!

x

Rama, takim me sipërmarrësit/ “Mos i përdorni të rinjtë si shërbëtorë në mjedisin e punës”

19 Korrik 2024, 14:49, Aktualitet CNA
Rama, takim me sipërmarrësit/ “Mos i përdorni të
Kryeministri Edi Rama

Kryeministri Edi Rama ka zhvilluar sot një takim me sipërmarrësit e bizneseve dhe drejtuesit e shkollave profesionale në vend.

Rama kërkoi nga sipërmarrësit që të marrin studentët dhe të bëjnë shkollën në biznesin e tyre dhe jo t’i përdorin si shërbëtorë në mjediset e punës.

“Përtej paragjykimeve dhe keqinformimit që pengon njerëz që nga vendi ynë kanë shkuar në Greqi që punojnë në sektorin e turizmit atje, e po të kthehen e të angazhohen këtu, në fund të muajit do kenë një bilanc të ardhurash më pozitiv. Kjo sepse do të jenë pranë shtëpisë së tyre, do të kenë shpenzime modeste transporti e taksa më të ulëta.

Solla si shembull turizmin, por vlen për të gjitha fushat.

Arsimi profesional ka bërë hapa të rëndësishëm para, por sot është në nevojën për të hedhur një hap shumë të madh para, dualizimi i arsimit profesional duke spostuar në fushën ku zhvillohet ekonomia, në mjedisin sipërmarrës, ditët e shkollës.

Nuk bëhet fjalë të sjellim pranë sipërmarrjes vajza e djem në moshë shumë të re që t’i trajtojnë si shërbëtorë në mjediset e punës, por për t’i sjellë nxënës që të bëjnë shkollën në këto ambiente dhe të trajtohen me maksimumin e kujdesit e duke ndaluar rreptësisht abuzimin me ta”, u shpreh ai./ CNA





Lajmet e fundit nga