web counter
LEXO PA REKLAMA!

SHKARKO APP

App Store
Google Play

E fundit!

x

Pista kryesore hakmarrja/ Si ndodhi ekzekutimi i babait të Andrea Kalemit në Memaliaj

21 Korrik 2024, 09:03, Kronika CNA
Pista kryesore hakmarrja/ Si ndodhi ekzekutimi i babait të Andrea Kalemit
Kontrollet e policisë në terren

Detaje të reja kanë dalë nga atentati me armë zjarri që ndodhi në Memaliaj mbërmjen e djeshme, ku u vrarë me kallashnikov 3 persona dhe një tjetër mbeti i plagosur. 

Dyshohet se shënjestër e atentatit ka qenë Shyqyri Kalemi, babai i Andrea Kalemit. Ndërsa dy viktimat e tjera janë kamerieri 36-vjeçar, Gledio Muka dhe klienti 47-vjeçar, Marsel Çela. Këta të fundit nuk kanë pasur lidhje me ngjajen. 

I plagosur ka ngelur Artur Kalemi, xhaxhai i Andrea Kalemit, i cili ndodhet në spital në gjendje të rëndë. 

Ngjarja dyshohet se ka lidhje me sagën e vrasjeve të nisura në 2022, me eliminimin me eksploziv të Aleksandër Sadikajt, i cili ishte kushëriri i Kalemit. Po kështu ngjarja ka dyshime se mund të ketë lidhje edhe me vrasjen e biznesmenit Edmond Papa. 

Andrea Kalemi nuk është emër i panjohur për autoritet vendase dhe të huaja. Në vitin 2001 ai u shpall në kërkim nga autoritetet belge, pasi akuzohej se në bashkëpunim me vëllain e tij Fatmir Kalemi kishte vrarë vëllezërit Mevlan e Adriatik Çaça.

Në 2017-ën u arrestua në Tiranë me 2 të tjerë pasi duke qenë edhe nën efektin e alkoolit, kundërshtuan punonjësin e policisë në detyrë, duke prishur rendin dhe qetësinë publike. Ka dyshime se ai është përfshisë në vrasjen e Edmond Papës në dhjetor 2022.

Si ndodhi atentati: 

Për atentatin e djeshëm, policia ka sekuestruar kamerat e sigurisë në zonë, të cilat do të ndihmojnë për zbardhjen e plotë të dinamikës së ngjarjes. Deri më tani janë shoqëruar në polici 3 persona. 

Autorët ndodheshin brenda një makinë të zezë. Një prej tyre ka zbritur nga mjeti dhe ka qëlluar me breshëri në drejtim të 74-vjeçarit Shyqri Kalemi, i cili ishte ulur në një tavolinë jashtë lokalit. Plumbat kapën dhe 3 personat e tjerë, dy viktimat dhe një i plagosur. 

Sipas unformave blu autorët menjëherë pas ngjarjes janë larguar me shpejtësi në drejtim të Mallakastrës me një automjet të cilin dyshohet se e kanë djegur në fshatin Bejaj.

Vijojnë kontrollet për kapjen e autorëve dhe në qytetin e Memaliajt dhe zonën përreth ndodhen Forcat Speciale Renea, Forcat Kombëtare të Sigurisë si dhe drejtues të lartë të Drejtorisë së Përgjithshme të Policisë së Shtetit./CNA 





Lajmet e fundit nga