web counter
LEXO PA REKLAMA!

SHKARKO APP

App Store
Google Play

E fundit!

x

Kush është kunati i Martinajt që drejtonte trafikun ndërkombëtar të drogës/ Dënimi në Itali

20 Korrik 2024, 09:21, Kronika CNA
Kush është kunati i Martinajt që drejtonte trafikun
Ervis Martinaj

Kunati i Ervis Martinajt, Arben Kaçorri, është arrestuar në Portugali për trafik ndërkombëtar të kokainës.

Mediat portugeze e konsiderojnë Kaçorrin si një person “shumë të rrezikshëm”.

Sipas tyre, ai bënte një jetë të matur dhe luksoze në kryeqytetin portugez, Lisbonë. Ai jetonte në një ndërtesë luksoze, ku banonte edhe bashkëpunëtori i tij portugezo-brazilian, Icaro Leddy Gouveia.

Kunati i Ervis Martinajt, “mbretit të lojërave të fatit”, që është zhdukur që prej gushtit 2022, ka një lidhje të gjatë me organizata kriminale.

Ai dhe vëllai i tij, Valentino, përmenden si pjesëtarë të mafies ballkanike.

Në maj të vitit 2009, Arben Kaçorri u dënua në Itali me 21 vjet e 8 muaj burg për vrasjen e bashkatdhetarit të tij Fatmir Kala, në Firence, si dhe për armëmbajtje pa leje. Dënimi u bë i parevokueshëm në tetor 2010, pasi ankimimi i tij u refuzua. Megjithatë, autoritetet italiane nuk arritën kurrë ta lokalizonin Kaçorrin në mënyrë që ai të vuante dënimin.

Shqiptari ka përfituar edhe falje prej 3 vitesh, por duhet të vuajë 18 vjet e tetë muaj burg për atë krim. Italia mund të kërkojë ekstradimin e tij nga shteti portugez.

Pas këtij dënimi, 15 pasuri të Kaçorrit iu konfiskuan në dhjetor të vitit të kaluar, me kërkesë të SPAK-ut. Atij iu konfiskuan ndërtesa tregtare, apartamente, toka dhe garazhe, të gjitha në Tiranë dhe rrethinat e saj.

Kaçorri drejtonte së bashku me Icaro Leddy Gouveia-n trafikun ndërkombëtar të kokainës, që kishte si epiqendër portet e Roterdamit dhe Antwerpen, në Belgjikë.

Tashmë, të dy ndodhen në burgun e sigurisë së lartë Monsanto, në Lisbonë, ku presin zhvillimin e hetimeve./ CNA





Lajmet e fundit nga