web counter
LEXO PA REKLAMA!

SHKARKO APP

App Store
Google Play

Detaje nga të shtënat në Durrës/ 31-vjeçari qëlloi me armë të moshuarin

18 Korrik 2024, 20:40, Kronika CNA
Detaje nga të shtënat në Durrës/ 31-vjeçari
Foto ilustruese

Policia ka zbuluar detaje nga të shtënat me armë në Durrës.

Blutë konfirmojnë se ka mbetur i plagosur shtetasi F. H, rreth 70 vjeç.

Ngjarja ka ndodhur në një lokal në lagjen nr. 17, pas një konflikti të çastit me 31-vjeçarin A. H.

Ky i fundit ka qëlluar me armë të moshuarin, por është kapur nga policia pak pas të shtënave. Gjithashtu, është shoqëruar edhe 56-vjeçari A.T, që ishte bashkë me autorin.

Aktualisht shtetasi F. H. ndodhet në spital, nën kujdesin e mjekëve. Ndërkohë, po vijojnë hetimet për zbardhjen e plotë të ngjarjes.

Njoftimi i plotë:

Plagosi me armë një 70-vjeçar, dyshohet pas një konflikti të çastit në një lokal në lagjen nr. 17, falë reagimit në kohë të Policisë, kapet në tentativë për t'u larguar dhe shoqërohet në Polici autori i dyshuar.

Policia gjeti në brendësi të lokalit ku ndodhi ngjarja dhe sekuestroi në cilësinë e provës materiale armën e zjarrit pistoletë.

Rreth orës 19.30, në një lokal në lagjen nr. 17, dyshohet se si pasojë e një konflikti të çastit, shtetasi A. H., 31 vjeç, banues në lagjen nr. 17 Durrës, ka plagosur me armë zjarri pistoletë shtetasin F. H, rreth 70 vjeç, banues në Durrës, i cili ndodhet në spital nën kujdesin e mjekëve.

Falë reagimit të menjëhershëm të shërbimeve Operacionale dhe Shqiponja kapet në tentativë për t'u larguar dhe shoqërohet në Polici, për veprime të mëtejshme autori i dyshuar i plagosjes.

Ndërkohë shërbimet e Policisë kanë shoqëruar dhe një shtetas tjetër, konkretisht shtetasin A.T, 56 vjeç, që ishte bashkë me autorin e dyshuar të ngjarjes në momentin kur ka ndodhur ngjarja.

Grupi hetimor nën drejtimin e Prokurorisë vijon veprimet në vendngjarje për sqarimin dhe dokumentimin e plotë ligjor të kësaj ngjarjeje./ CNA





Lajmet e fundit nga