web counter
LEXO PA REKLAMA!

SHKARKO APP

App Store
Google Play

I vodhi para vëllait nga llogaria bankare, arrestohet 33-vjeçari në Elbasan

18 Korrik 2024, 13:40, Kronika CNA
I vodhi para vëllait nga llogaria bankare, arrestohet 33-vjeçari
Momente nga arrestimi

Policia e Elbasanit ka arrestuar 33-vjeçarin me iniciale K.M., i cili akuzohet se përvetësoi 1 500 000 lekë që i tërhoqi nga llogaria bankare e vëllait të tij, me kartën që e siguroi me anë të mashtrimit. 

Veprimet 33-vjeçari i ka kryer në muajin qershor, me kartën të cilën ia kishte marrë nënës së tyre me anë të mashtrimit.

Njoftimi i Policisë:

Përvetësoi 1 500 000 lekë që i tërhoqi nga llogaria bankare e vëllait të tij, me kartën që e siguroi me anë të mashtrimit, identifikohet, kapet dhe vihet në pranga 33-vjeçari.

Specialistët për Hetimin e Krimeve Ekonomike dhe Financiare të DVP Elbasan, si rezultat i veprimeve intensive hetimore të kryera në drejtimin e Prokurorisë pranë Gjykatës së Shkallës së Parë të Juridiksionit të Përgjithshëm Elbasan, menjëherë pas administrimit të një kallëzimi të depozituar më datë 01.07.2024, për një rast të mashtrimit, kanë finalizuar operacionin policor të koduar “Cash”.

Në kuadër të këtij operacioni u bë identifikimi, kapja dhe ndalimi i shtetasit K. M., 33 vjeç, banues në Elbasan.

Prokuroria e Elbasanit, më datë 17.07.2024, ka lëshuar urdhër ndalimi për këtë shtetas, pasi dyshohet se gjatë muajit qershor 2024, ka tërhequr shumën 1 500 000 lekë, nga llogaria bankare e vëllait të tij, me kartën të cilën ia kishte marrë nënës së tyre, me anë të mashtrimit.

Materialet procedurale i kaluan Prokurorisë, për veprime të mëtejshme, për veprën penale "Mashtrimi", me pasoja të rënda./CNA 





Lajmet e fundit nga