web counter
LEXO PA REKLAMA!

SHKARKO APP

App Store
Google Play

Rrëfehet fqinji i 71-vjeçarit në Korçë/ U trembëm, ndonjëherë bëhej depresiv

16 Korrik 2024, 12:43, Kronika CNA

Rrëfehet fqinji i 71-vjeçarit në Korçë/ U

Markeljan Dhimitri ka folur për fqinjin e tij E.N., i cili ka qëlluar me armë në ajër mëngjesin e sotëm.

Fqinji thotë se ishte njeri i qetë, por ndonjëherë ishte depresiv kur parkonin makinat përballë ballkonit.

Ai tha se sapo dëgjuan të shtënat kanë dalë nga banesa dhe kanë lajmëruar policinë.

“Ngjarja ndodhi rreth orës 10:15 – 10:20, u dëgjuan disa të shtëna, pastaj mora nusen dhe djalin dhe dolëm nga shtëpia, ikëm. Ajo u tremb! Në shtëpi ishim, dëgjuam ato të shtënat. Banojmë në të njëjtin pallat, në kat të tretë ngjitur me atë. Po unë tip të qetë e dija, po ai s’para dilte, ishte tip i mbyllur. Unë kam tri vite që jetoj këtu, nuk e njihja më përpara. Nuk e dinim që ishte tip kaq i rrezikshëm. Duhet të ndodhte kjo që ta njihnim, shpresoj që të mbyllet për mirë se nuk kthehemi dot në shtëpi me fëmijët. Presim ç'do të ndodhë.

Tip i qetë më është dukur, më ka ndihmuar edhe për ndonjë gjë nga shtëpia. S’kam pasur ndonjë problem me të. Ndodhi që shtiu në mëngjes, u trembëm dhe ikëm. Tani nuk mund të kthehemi në shtëpi, se kam çupën. Kemi dalë familjarisht jashtë, çupa e vogël është në çerdhe. Jemi të tronditur!

Nganjëherë bëhej dhe depresiv kur parkonim makinat përballë ballkonit. Nuk i linte të parkonin, i shante, ofendonte. Kaq, por nuk e dinim që ishte kaq i dhunshëm. Armën e shkrehu në ajër ai, dolëm të gjithë, edhe me këta të klinikës. Pastaj u lajmërua dhe policia. Erdhi policia dhe dolëm në atë kohë”, tha fqinji./ CNA





Lajmet e fundit nga