web counter
LEXO PA REKLAMA!

SHKARKO APP

App Store
Google Play

E fundit!

x

Gjergj Luca “shuplakë” bizneseve/ "Turp për ju që abuzoni me çmimet"

21 Korrik 2024, 15:51, Aktualitet CNA
Gjergj Luca “shuplakë” bizneseve/ "Turp për ju
Biznesmeni dhe sipermarresi Gjergj Luca

Biznesmeni dhe sipërmarrësi Gjergj Luca ka kritikuar biznese të ndryshme që në sezon turistik abuzojnë me çmimet.

Luca e quan një turp këtë që po ndodh me bizneset, veçanërisht në Jug ku çmimet janë të kripura.

Së fundi biznesmeni ka publikuar nga video nga restoranti i tij Rozafa Fish City në Elbasan, ku tregon se është plot e përplot jo vetëm me vendas por dhe me turistë dhe kjo për shkak se në asnjë moment nuk ka zgjedhur të abuzojë me çmimet por përkundrazi ofron shumëllojshmëri ushqimesh me një çmim modest.

Ai thotë se ky është sekreti pse Rozafa është plot e përplot dhe se ka punuar për këtë ditë.

“E shihni se çfarë bëhet në Rozafë. Kështu është përditë plot me shqiptarë prej Kumanove, plot me kosovarë, plot me gjermanë, plot me spanjollë.

A e di se ku është sekreti? Sekreti është këtu:

Të gjithë këta njerëz hanë me 16 mijë lekë, ndërsa ju keni 17 mijë lekë një pjatë spaghetti.

Është turp miq të bëni këtë figurë të keqe sespe duhet të punojnë të gjithë shqiptarët dhe faleminderit Zot që më ka ardh prej pune kjo mrekulli. Është turp.

Ne te Rozafa kurrë nuk abuzojmë me çmimet pavarësisht se klienti është nga Gjirokastra, nga Kumanova, nga Berlini apo nga Madridi. Ne nuk abuzojmë nëse është verë a dimër, nëse është ditë jave apo ëeekend. Ne jemi këtu kokëfortë në mbrojtje të klientelës e nuk prishim por ndreqim imazhin e Shqipërisë turistike. Turp për ju të tjerët që abuzoni me çmimet por gjithësesi ju mbeteni një pakicë dhe koha po ua tregon vendin!”, është shprehur Gjergj Luca./ CNA





Lajmet e fundit nga