web counter
LEXO PA REKLAMA!

SHKARKO APP

App Store
Google Play

Krimet në vend/ Berisha i drejton “gishtin” Ballës

21 Korrik 2024, 22:40, Aktualitet CNA
Krimet në vend/ Berisha i drejton “gishtin” Ballës
Kreu i PD-së, Sali Berisha

Kreu i PD-së, Sali Berisha pas ngjarjeve të fundit që tronditën vendin gishtin e akuzës e ka drejtuar nga ministri i Brendshëm, Taulant Balla.

Në tubimin para banesës së tij, Berisha është shprehur se, Balla është politikani i lidhur kokë e xhep me bandën e Elbasanit, me Çelët dhe bandat e tjera, me Rrajat e Fushë Krujës, me Bajrit e Dobraçit në Shkodër dhe banda të tjera.

“Edi Rama si kreu i krimit të organizuar në Shqipëri, pasi u kap Saimir Tahiri me trafik droge, emëroi në krye të rendit, Fatzi Xhafën.

Fatzi Xhafa që sot kryesor komisionin e antiqeverisjes dhe mbrojtjes së korrupsionit, në çdo ligj të botës, për shkak të vëllait të tij, trafikant ndërkombëtar, është subjekt i ligjit antimafia.

Në çdo vend të botës, pasuritë e tij përrallore konfiskohen.

Pas largimit të tij me skandalin e Geron Xhafës, sot rendin e drejton politikani më i inkriminuar i Shqipërisë, Tualet Balla.

Miqtë e mi!

Taulant Balla ish-student në Rumani u denoncua nga konsulli shqiptar i asaj kohe, sepse nxirrte viza dhe bënte trafik prostitucioni nga Rumania në Shqipëri, për në Itali.

I bëj thirrje memories tuaj, kujtohuni pak kur unë denoncoja klubet socialiste që furnizoheshin nga Taulant Balla për lidershipin socialist me prostituta nga Moldavia në Tiranë.

Taulant Balla me pasaportën e deputetit, ndiqej sepse e përdorte atë për kalimin e ngarkesave të drogës në Qafë Thanë dhe pika të tjera.

Taulant Balla është personi që u bë de fakto, politikani i lidhur kokë e xhep me bandën e Elbasanit, me Çelët dhe bandat e tjera, me Rrajat e Fushë Krujës, me Bajrit e Dobraçit në Shkodër dhe banda të tjera.

Taulant Balla është krimineli me tre telefona të koduar.

I denoncuar në sallën e gjyqit se ka porositur vrasje, i denoncuar se ka futur duart e tij të zeza në tendera për bandat.

Sot ai që drejton rendin është kryekëput një ushtar i krimi, është de fakto një anëtar i bandave të Elbasanit, të Krujës, dhe Shkodrës”, tha Berisha./ CNA





Lajmet e fundit nga