web counter
LEXO PA REKLAMA!

SHKARKO APP

App Store
Google Play

E fundit!

x

Nis spërkatja e kulturave të misrit në Maliq, trajtohen rreth 100 hektarë

18 Korrik 2026, 11:42, Aktualitet CNA

Nis spërkatja e kulturave të misrit në Maliq, trajtohen rreth 100

Ka nisur procesi i spërkatjes së kulturave të misrit në Bashkinë Maliq, pas konstatimit të pranisë së dëmtuesit Diabrotica virgifera, i njohur si rrënjëngrënësi i misrit. Ndërhyrja po realizohet nga Ministria e Bujqësisë dhe Zhvillimit Rural, Autoriteti Kombëtar i Veterinarisë dhe Mbrojtjes së Bimëve, në bashkëpunim me Bashkinë Maliq, me synim frenimin e përhapjes së dëmtuesit dhe mbrojtjen e prodhimit bujqësor.

Në këtë fazë po trajtohen rreth 100 hektarë sipërfaqe të mbjella me misër, duke përdorur dronë bujqësorë, një teknologji moderne që mundëson spërkatje të shpejtë, efikase dhe me saktësi të lartë në zonat e prekura.

Nga afër procesin e ndërhyrjes e ndoqi edhe zëvendësministri i Bujqësisë dhe Zhvillimit Rural, Arjan Jaupllari, i cili u njoh me ecurinë e punimeve dhe masat e ndërmarra për mbrojtjen e kulturave bujqësore.

Autoritetet bëjnë të ditur se kostot e këtij shërbimi janë tërësisht të mbuluara për fermerët, ndërsa monitorimi në terren do të vijojë edhe në ditët në vazhdim. Krahas trajtimit të sipërfaqeve të prekura, do të merren edhe masa të tjera parandaluese për të kufizuar përhapjen e dëmtuesit dhe për të garantuar një sezon sa më të suksesshëm për kultivuesit e misrit në zonën e Maliqit./ CNA

 

 





Lajmet e fundit nga