E fundit!

21:44 Aktualitet

Pas rreth 3 orë fjalime/ Protestuesit nisin marshimin në rrugët e Tiranës

Pas rreth tre orësh fjalimesh përpara kryeminsitrisë, prot...

Nga auditorët te rrjetet sociale/ Po lind profesioni i influencerit, ndryshojnë zgjedhjet e studentëve

4 Korrik 2026, 18:39, Aktualitet CNA

Sistemi shqiptar i arsimit të lartë u jep studentëve mundësinë të ndërtojnë karrierën në dy etapa, përmes modelit të Procesit të Bolonjës. Pedagogia Nora Malaj në një intervistë për CNA TV shpjegoi se studimet Bachelor shërbejnë si formim bazë, ndërsa programi Master mund të zgjidhet sipas profilit të punës që synon studenti. Ajo u shpreh se nuk ka degë universitare të mira apo të këqija, por pranoi se disa prej tyre po tërheqin më pak të rinj.

Sipas saj, degët e mësuesisë janë ndër më pak të preferuarat nga maturantët, ndërsa interesi më i madh është për Teknologjinë e Informacionit, inxhinieritë dhe fushat e teknologjisë. Ish-zëvendësministrja e lidhi këtë prirje me kërkesat e tregut të punës dhe zhvillimet e kohës.

Ajo theksoi gjithashtu se po shfaqen profesione të reja, si ai i influencerit, që kërkojnë shumë më tepër sesa ekspozim në rrjetet sociale. Sipas saj, edhe këto profesione kërkojnë përgatitje, aftësi dhe angazhim të vazhdueshëm.

"Prandaj është shumë e rëndësishme që ne në sistemin e arsimit të lartë kemi zgjedhur atë që quhet procesi i Bolonjës, që ti studimin bachelor mund ta marrësh si studimin bazik në një degë që ty të pëlqen, por që dhe ke mundësi ta realizosh. Dhe nga ana tjetër, studimin e mjeshtërimit ose të masterit që quhet, mund ta marrësh në bazë të profileve të punës që ti të zësh dhe të nevojës që ke për të realizuar ato që quhen aftësitë e tua më të larta në garën e dijes. Prandaj unë nuk do të thoja që kemi degë të pëlqyeshme apo të papëlqyeshme. Të papranueshme, ose që nuk po i zgjedhin shumë, janë pikërisht këto degët e mësuesisë dhe degët shoqërore. Shumë të përzgjedhura janë degët që lidhen me IT-në, me inxhinieritë, me degët e informatikës, të cilat sot janë trendi. Ka dalë një profesion i ri që quhet influencer, por që ai është një profesion që do një gjithëpërfshirje, dhe ata që duan të bëhen influencer unë i këshilloj që të marrin formim akademik shoqëror. Pra, të dinë historinë, të dinë gjeografinë, të dinë të bukurën, të dinë estetikën, të dinë artin, të dinë kulturën, sepse nuk mund të jesh influencer vetëm thjesht duke bërë foto", tha Malaj./CNA