E fundit!

21:44 Aktualitet

Pas rreth 3 orë fjalime/ Protestuesit nisin marshimin në rrugët e Tiranës

Pas rreth tre orësh fjalimesh përpara kryeminsitrisë, prot...

Bashkëbisedim me Ramën? Grupi i Punës i protestës i prerë: S'ka negociata

4 Korrik 2026, 16:05, Aktualitet CNA

Bashkëbisedim me Ramën? Grupi i Punës i protestës i

Ditën e djeshme grupi i punës i protestuesve kanë zhvilluar mbledhjen e radhës për krijimin e Kuvendit Kombëtar Qytetar.

Me anë të një njoftimi zyrtar bëhet me dije se krijimi i këtij Kuvendi ka si qëllim të marrë rolin e përfaqësuesit gjithëpërfshirës të protestës, por së pari duhet të marrë miratimin e protestuesve.

Më tej në reagimin e bërë thuhet se qëndrimi unanim i grupit të punës për formimin e Kuvendit Kombëtar është se nuk ka dhe nuk do të ketë negociata me kryeministrin Rama.

Grupi i Punës shprehet se pa marrë miratimin e protestuesve nuk quhet ende përfaqësues i protestës.

Njoftimi

Dje, më datë 3 korrik 2026 u mbajt mbledhja e dytë e Grupit të Punës për krijimin e Kuvendit Kombëtar Qytetar. Mbledhja e këtij grupi dhe qëllimi i tij janë bërë me miratimin e Grupit Nismëtar Koordinues të Protestës Kombëtare, një pjesë e të cilëve janë pjestarë të grupit të punës, ndërsa të tjerë erdhën me cilësinë e vëzhguesit.

Kuvendi i Kombëtar Qytetar ka për qëllim të marrë rolin e përfaqësuesit gjithëpërfshirës të Protestës Kombëtare, por vetëm nëse merr më parë miratimin e mbarë qytetarëve protestues. Theksojmë që pa marrë paraprakisht këtë miratim nuk mund të quhet ende përfaqësues i Protestës Kombëtare.

Qëndrimi unanim dhe i padiskutueshëm i grupit të punës për formimin e Kuvendit Kombëtar Qytetar është : NUK KA DHE NUK DO TË KETË NEGOCIATA me Edi Ramën.

Grupi i Punës në themel të veprimtarisë së tij ka këto qëndrime, prandaj ka ngjallur frikën dhe revanshin e sistemit të vjetër dhe establishmentit aktual, i cili, me të gjitha mjetet, po lufton ta përçajë, delegjitimojë dhe armiqësojë Grupin e Punës me protestuesit dhe popullin si dhe po investon gjithçka për të ndaluar mbledhjen e Kuvendit Kombëtar Qytetar.

Ky establishment ka tmerr nga bashkimi i të gjithë shqiptarëve atdhetarë në një tryezë të përbashkët ku do të ulen e bashkëveprojnë mbi 300 persona anti establishment, nga më cilësorët që ka vendi ynë

Ndërkohë puna nga ana jonë po vazhdon me intensitet dhe presioni i politikës së vjetër bashkë me mediat e kapura të saj thjesht po rrit motivimin tonë e të mbarë qytetarëve protestues.

Kuvendi Kombëtar Qytetar është i popullit dhe produkt i protestës qytetare. Ai do të mblidhet me çdo kusht e çdo shqiptar atdhetar do ta ndiejë veten të mirëpërfaqësuar prej tij!