web counter
LEXO PA REKLAMA!

SHKARKO APP

App Store
Google Play

Me thirrje kundër qeverisë/ Protestuesit marshojnë drejt Komisariatit nr.3

3 Korrik 2026, 22:22, Aktualitet CNA

Protestuesit janë larguar nga Kryeministria ndërsa kanë nisur marshimin në rrugët e kryeqytetit. Edhe mbrëmjen e sotme bëhet me dije se destinacioni i tyre do të jetë Komisariati nr.3 në rrugën Mine Peza, ku janë dhe një pjesë e protestuesve të arrestuar një ditë më para në tubimin para Parlamentit.

Gjatë zhvillimit të protestës është bërë thirrje e vazhdueshme për lirimin e tyre. Kujtojmë se 19 persona janë arrestuar dhe 12 janë proceduar penalisht në lidhje me protestën e zhvilluar ditën e djeshme përpara Parlamentit, ku pati përplasje të ashpra mes policisë dhe protestuesve.

Policia njoftoi po ashtu se po punohet për identifikimin e 6 shtetasve të tjerë që janë dokumentuar me pamje për veprime të dhunshme.

Ndaj tyre rëndojnë akuzat për “Shkatërrim prone”, “Kundërshtim i punonjësit të policisë”, “Goditje për shkak të detyrës”, “Prishje e rendit dhe e qetësisë publike”, “Organizim dhe pjesëmarrje në grumbullime dhe manifestime të paligjshme”, “Mosbindje ndaj urdhrit të ligjshëm të punonjësit të policisë” dhe “Pengim i qarkullimit të mjeteve të transportit”. /CNA





Lajmet e fundit nga