E fundit!

18:06 Aktualitet

Kapja e të shumëkërkuarit për mashtrimin me “Call Center”-a/ Publikohen pamjet e arrestimit në vilën në Dhërmi

Policia e Shtetit ka dalë me reagim zyrtar lidhur me arres...

"Kremlini i përshirë në protestat kundër qeverisë"/ Reagon ambasada e Rusisë në Tiranë

3 Korrik 2026, 17:03, Aktualitet CNA

"Kremlini i përshirë në protestat kundër

Ambasada e Rusisë në Tiranë ka bërë një reagim lidhur me deklaratat për përfshirjen e Kremlinit në protestat që po zhvillohen prej më shumë se një muaji në kryeqytet.

Në deklaratën e ambasadës theksohet se pretendime të tilla janë krejtësisht të pabaza dhe se Rusia po zbaton njërin prej parimeve themelore të politikës së saj të jashtme, që thuhet se është parimi i mosndërhyrjes në punët e brendshme të shteteve të huaja.

Ndër të tjera ambasada ruse bën thirrje "për një qasje më të përgjegjshme ndaj deklaratave të tilla dhe një përmbajtje nga kërkimi i armiqve aty, ku nuk ekzistojnë".

Deklarata e plotë:

Koment i Ambasadës s? Rusis? në Shqipëri në lidhje me deklaratat antiruse nga zyrtarët shqiptarë m? 2 korrik 2026

Deklaratat e Ministrit të Turizmit, Kulturës dhe Sportit të Shqipërisë B.Gonxhja dhe Deputetit të Parlamentit të Shqipërisë, Kryetarit të Grupit Parlamentar të Partisë Socialiste të Shqipërisë T.Balla në lidhje me “përfshirjen e Kremlinit” në protestat, që po zhvillohen në vend, ngjallin habi. Pretendime të ngjashme po shohim edhe në një numër mediash nga gazetarë të caktuar. Këto deklarata janë krejtësisht të pabaza.

Rusia zbaton me rreptësi njërin prej parimeve themelore të politikës së saj të jashtme: parimin e mosndërhyrjes në punët e brendshme të shteteve të huaja. Moska gjithmonë respekton zgjedhjen e popullit dhe punon me qeverinë e zgjedhur në mënyrë legjitime. Ne i urojmë sukses dhe begati popullit shqiptar, pavarësisht koniunkturës së krijuar politike dhe nivelit aktual të marrëdhënieve.

Me keqardhje vërejmë se kjo nuk është hera e parë që politikanët shqiptarë janë përpjekur t’i imponojnë publikut vendas në mënyrë të pabazë idenë e të ashtuquajturit “ndikim dashakeq” të Rusisë. Ne bëjmë thirrje për një qasje më të përgjegjshme ndaj deklaratave të tilla dhe një përmbajtje nga kërkimi i armiqve aty, ku nuk ekzistojnë. /CNA