"Dhuna ndaj protestuesve, e urdhëruar nga pushteti"/ Bushati: Strategji e Ramës për të shuar protestën

2 Korrik 2026, 22:00, Aktualitet CNA

"Dhuna ndaj protestuesve, e urdhëruar nga pushteti"/ Bushati:

Analisti Andi Bushati ka komentuar mbrëmjen e sotme përplasjet e ndodhura mes policisë dhe protestuesve para Parlamentit.

I ftuar në “Të Paeskpozuarit” me Ylli Rakipin, Bushati u shpreh se dhuna e policisë ndaj protestuesve është është strategjia e fundit e kryeministrit Edi Rama për të shuar protestën.

Sipas tij, Rama ka provuar çdo lloj mënyrë për të ndaluar protestat, përfshirë këtu punën e agjentëve të huaja. Analisti u shpreh se goditja ndaj protestuesve ishte e urdhëruar nga pushteti.

"U pa që për kostumin e Ulsi Manjës, njerëz u masakruan. Një njollë në kostumin e Ulsiut, vlente sa shkopat e gomës, mbi njerëz të pambrojtur. Ka pamje të llahtarshme të protesuesve të shtrirë. Asnjeri nuk është aq kafshëror sa të gjuajë një njeri të shtrirë, duket se ka marrë urdhër. Nuk është zell personal, por zell në ushtrimin e një detyre. Kur flasim për dhunë, duhet të kuptojmë se kush qëndron në gjenezë të dhunës. Qëndron Rama dhe aparati i tij privat shtetëror.

Ka 33 ditë që Rama nuk do të shohë realitetin në sy. Njëherë agjent të grekut, Iranit, serbit, pastaj një komplot i botës. Pse Rama është sot për dhunë? Edi Rama për herë të parë nuk ka përballë gogolin Sali, ka ngelur pa narrativë ndaj masës së madhe të qytetarëve që kanë dalë në shesh. Po teston me çdo mënyrë të fikë protestën. Filloi me punën e agjentëve. Thoshin është kërkesa kaotike pa kërkesa. Kur dolën kërkesat, thoshin a pse këto janë. Kur dalin figurat, thonë a këto janë të përlyer. Pra regjimi të zgjedhë edhe kundërshtarin.

Pasi ka testuar një diversitet strategjish, Rama po teston të riut, thotë mos jep sukses ushtrimi i dhunës, mos frikësohen. Pra dhuna është një gjë e menduar strategjikisht, është faza e re për të fikur protestën. E prandaj edhe sot, pamë një episode të kësaj strategjie. Shteti ushtroi dhunë dhe prandaj më duket jo legjitime të thuash, është strategji e protestës dhuna? Protesta reagoi, dhunën e ushtruan kamikazët e policisë. Është kriminale. Trup për kriminelët që japin urdhëra të paligjshëm", deklaroi Bushati. /CNA