web counter
LEXO PA REKLAMA!

SHKARKO APP

App Store
Google Play

Përleshje me armë zjarri në qendër të Podujevës/ Katër të plagosur

2 Korrik 2026, 22:35, Kosova & Bota CNA

Përleshje me armë zjarri në qendër të Podujevës/

Një incident i rëndë me armë zjarri ka tronditur qendrën e qytetit të Podujevës këtë të enjte, duke lënë katër persona të plagosur. Ngjarja, e ndodhur rreth orës 13:30, dyshohet se ka pasur si motiv një mosmarrëveshje paraprake mes palëve të përfshira, të cilat sipas Prokurorisë Themelore në Prishtinë, kanë lidhje familjare nip e dajë.

Sipas hetimeve paraprake, tre nga të plagosurit kanë qenë pjesë aktive e përleshjes, ndërsa personi i katërt është një kalimtar i rastit që është ndodhur në vendin e ngjarjes. Të lënduarit janë transportuar menjëherë në Qendrën Klinike Universitare të Kosovës. Drejtori i Klinikës së Emergjencës, Naser Syla, ka konfirmuar se, pavarësisht plagëve të rënda, gjendja shëndetësore e të plagosurve është stabile.

Ndaj personave të përfshirë në përleshje, organet e drejtësisë kanë nisur procedimet për veprën penale “vrasje e rëndë në tentativë”. Policia e Kosovës vijon punën hetimore për zbardhjen e plotë të rrethanave të këtij incidenti, i cili shton shqetësimet për numrin e madh të armëve pa leje që qarkullojnë në vend. /CNA





Lajmet e fundit nga