web counter
LEXO PA REKLAMA!

SHKARKO APP

App Store
Google Play

“Mashtrimi publik i Ministrisë së Brendshme me policët e lënduar”/ Berisha publikon videon

2 Korrik 2026, 21:05, Aktualitet CNA

“Mashtrimi publik i Ministrisë së Brendshme me policët e

Kryetari i Partisë Demokratike Sali Berisha, në një reagim në rrjetet sociale shkruan, se ministria e Brendshme ka mashtruar publikisht, pasi në urgjencat e spitaleve të Tiranës nuk ka asnjë polic të lënduar.

Sipas Berishës, ky është një mashtrim për të "përligjur dhunën e egër, gazin, sprajin, lëndët toksike dhe shkelmat në kokën e protestuesve".

Ndërkohë kryedemokrati ka publikuar dhe videon e një polici ku shihet në ambientet e spitalit, ndërsa një orë më pas i njëjti filmohet duke dalë nga komisariati nr.3.

Reagimi i Kryetarit të PD, Sali Berisha:

Mashtrim publik i Ministrisë së Brendshme!

Në urgjencat e spitaleve të Tiranës nuk rezulton asnjë polic i lënduar!

Të dashur miq, në një mashtrim të shpifur publik, Ministria e Brendshme, për të përligjur dhunën e egër, lëndët toksike, gazin lotsjellës, sprajin e ariut, topat e ujit, shkelmat në kokë, zvarritjet shtazore, torturat në makinat e policisë të protestuesve paqësorë, mashtroi publikisht duke dezinformuar publikun me komunikata për shumë policë të plagosur, pa dhënë asnjë emër dhe asnjë specifikim për llojin e plagëve.

Pas interesit nga departamenti përkatës i Partisë Demokratike pranë urgjencave të institucioneve mjekësore rezulton se, nga dreka, janë dërguar për të simuluar plagosje disa policë, të cilët nuk paraqisnin asnjë plagosje, madje as edhe lëndime të përfillshme, dhe janë larguar ashtu siç i sollën, pa asnjë problem shëndetësor! Në videon më sipër të shpërndarë nga policia, në kuadrin e mashtrimit të ulët publik, paraqitet inspektori Gjoka, i plagosur i policisë, i cili pas 20 minutash rikthehet në aksione brutale kundër protestuesve.

Dënoj me forcën më të madhe këto akte të rënda të mashtrimit publik të narkopolicisë si një vepër penale të rëndë dhe dhunën çnjerëzore që u ushtrua ndaj protestuesve paqësorë. /CNA





Lajmet e fundit nga