web counter
LEXO PA REKLAMA!

SHKARKO APP

App Store
Google Play

“Mungon standardi turistik”/ Gazetari ngre alarmin: Çmimet i merr vesh kur të vjen fatura, autoritetet të ndërhyjnë

18 Korrik 2026, 20:19, Aktualitet CNA

“Mungon standardi turistik”/ Gazetari ngre alarmin: Çmimet i

Gazetari i njohur Mentor Kikia ka ngritur sot një shqetësim, që në këtë sezon veror, haset më shumë se kurrë nga pushuesit, atë të mosnjoftimit paraprak të çmimeve.

Sipas tij, në Shqipëri mungon standardi turistik, që siç thekson nuk lidhet vetëm me pastërtinë e plazhit dhe ujit, por edhe me transparencën ndaj shërbimeve dhe marrëdhënies me klientin.

Ndërsa bën një krahasim të thjeshtë mes Shqipërisë dhe vendeve të rajonit në këtë drejtim, Kikia shprehet në një postim në rrjetet e tij sociale se autoritetet duhet të veprojnë lidhur me këtë problematikë, përmes detyrimit që njësitë e shërbimit në zonat turistike të reklamojnë menunë në hyrje, për të shmangur mashtrimet me çmimet.

 “Ja, kaq e thjeshte eshte!

Ne nje fshat turistik ne Mal te Zi, dhe kudo tjeter, restorantet reklamojne ne hyrje menune.

Njerezit lexojne cfare ofrohet dhe cmimin e produkteve. Nese gjejne ate qe duan i perballojne cmimet, futen brenda. Nese jo, vazhdojne “kerkimet”.

Ne fund ka edhe fast-food, edhe byrek, edhe pica me porcione…. Edhe fast-food-i ka ne trotuar tabelen e cmimeve.

Nuk po krahasoj cmimet, po krahasoj standardin.

Sepse standard turistik nuk eshte vetem pastertia e plazhit dhe ujit, por se pari marredhenia me klientin, transparenca.

Ne shumicen e restoranteve bregdetare ne Shqiperi, as menune nuk ta sjellin kur ulesh. “Ta them une cfare kemi” - thote kamarieri dhe ne fund te sjell faturen, kur merr vesh qe nje veze e skuqur kushton 11 Euro.

Nje praktike e tille ka nisur ne Tirane. Ka restorante qe bejne kete lloj transparence.

Por autoritetet duhet ti detyrojne njesite e sherbimit ne zonat turistike ta bejne kete.

Mjaft me mashtrime me çmimet!”,-shkruan Kikia./CNA

 





Lajmet e fundit nga