web counter
LEXO PA REKLAMA!

SHKARKO APP

App Store
Google Play

"Minojnë pavarësinë e pushtetit gjyqësor"/ KLGJ reagon për sulmet ndaj gjyqtarëve

29 Gusht 2025, 17:52, Aktualitet CNA

"Minojnë pavarësinë e pushtetit gjyqësor"/ KLGJ

Këshilli i Lartë Gjyqësor ka reaguar në lidhje me deklaratat e fundit të kryeministrit Rama ndaj gjyqtarëve dhe prokurorëve.

Në deklaratën e bërë, KLGJ thotë se këto deklarata cënojnë figurën dhe dinjitetin e gjyqtarëve.

KLGJ ka bërë thirrje për çdo subjekt t repektojë pavarësinë e gjyqësorit dhe kundërshtimet ndaj vendimeve të bëhen përmes procedurës.

Më tej, në deklaratë shprehet mbështetja ndaj gjyqtarëve inkurajimi për ushtrimin e detyrës në mënyrë të pavarur.

Deklarata e KLGJ

Këshilli i Lartë Gjyqësor, duke marrë shkas nga deklaratat e fundit të subjekteve publike apo private, rithekson edhe njëherë se deklarata të tilla cënojnë figurën dhe dinjitetin e gjyqtarëve si dhe minojnë pavarësinë e pushtetit gjyqësor.

Në çdo shoqëri demokratike, gjyqtarët janë garantues të barazisë së palëve përpara ligjit. Për rrjedhojë, ushtrimi i funksionit të tyre duhet të jetë i pavarur dhe i çliruar nga çdo formë ndikimi, duke ju nënshtruar vetëm Kushtetutës dhe ligjeve. Në një shtet të së drejtës, ndarja dhe balancimi i pushteteve përbën parim themelor dhe gjyqtari ushtron funksionet në mënyrë të pavarur, duke vlerësuar faktet dhe interpretuar ligjin, i lirë nga çdo ndikim i jashtëm.

Këshilli ju bën thirrje gjithë subjekteve publike dhe private të respektojnë pavarësinë e gjyqësorit si një nga themelet e shtetit të së drejtës. E vetmja rrugë për të kundërshtuar një vendim gjyqësor është përmes mjeteve procedurale të parashikuara nga ligji, duke u ankuar në një gjykatë më të lartë. Po ashtu, çdo ankesë apo pretendim në lidhje me sjelljen apo integritetin e një gjyqtari duhet të drejtohet pranë institucioneve përkatëse.

KLGJ në përputhje me kompetencat kushtetuese, shpreh mbështetjen e plotë ndaj të gjithë gjyqtarëve dhe përpjekjeve të tyre të përditshme në mbrojtje të të drejtave të qytetarëve dhe në shërbim të interesit publik. Po ashtu i inkurajon ata të ushtrojnë funksionin e tyre, në mënyrë të përgjegjshme dhe të pavarur nga çdo ndikim i jashtëm.

Në një shtet të së drejtës – i cili sot është më pranë se kurrë aspiratës për t’u bërë pjesë e Bashkimit Evropian – vetëm përmes një sistemi gjyqësor të pavarur mund të sigurohet barazia para ligjit dhe një drejtësi efektive, e cila meriton besimin e publikut.





Lajmet e fundit nga