web counter
LEXO PA REKLAMA!

SHKARKO APP

App Store
Google Play

Vijon aktiv zjarri në Tiranë dhe Devoll/ Si paraqitet situata në 24 orët e fundit

29 Gusht 2025, 09:12, Aktualitet CNA

Vijon aktiv zjarri në Tiranë dhe Devoll/ Si paraqitet situata në

Ministria e Mbrojtjes ka zbardhur detaje nga situata e zjarreve në vend. Sipas të dhënave të 24 orëve të fundit, gjithsej aktive kanë qenë 26 vatra zjarri prej të cilave 21 vatra janë shuar, 4 vatra vijojnë aktive, 1 vatër është në monitorim.

Vatra të izoluara dhe të shuara

Është bërë izolimi i plotë dhe shuarja e zjarreve në:

Havalehas (Kuçovë), Krutje (Lushnjë), Rubjek (Shijak), Lagjja nr.10 (Korçë), Drobonik (Berat), Kotë (Selenicë), Kameras (Durrës), Martalloz (Memaliaj), Stadiumi dhe puset e naftës (Kuçovë), Fushë Milot (Kurbin), “Gjëmbi” (Selenicë), Lanabreges (Tiranë), Bogovë (Skrapar), Durisht (Tiranë), Barbullush (Vau Dejës), Bogiç-Palvar (Malësi e Madhe), Katundi i Ri (Durrës), Mjull Bathore (Tiranë), Hamallaj (Durrës), Parku Natyror Gërmenj (Kolonjë), si dhe midis fshatrave Nivicë, Salari e Dhëmblan (Tepelenë).

Vatra aktive

Aktualisht vijojnë të jenë aktive 4 vatra zjarri:

Në fshatin Pezë Helmës, Bashkia Tiranë, ku janë të pranishme disa vatra të izoluara që po mbahen në monitorim nga zjarrfikësit.

Në fshatin Fage, Bashkia Tiranë, ku zjarri është aktiv dhe në monitorim nga zjarrfikësit, forcat bashkiake dhe vullnetarët.

Në fshatin Miras, Bashkia Devoll, ku ka prani tymi në disa zona dhe rreth 100 forca janë angazhuar për shuarjen e flakëve.

Në lagjen Boje, Bashkia Krujë, ku dy vatra po përfshijnë sipërfaqe pyjore me pisha në zonë të mbrojtur.

Ndërkohë, vatra e zjarrit në fshatin Delisuf, Bashkia Vlorë, është nën monitorim, ndërsa situata është e qetë dhe pa prani tymi.

Strukturat e Mbrojtjes Civile dhe Forcat e Armatosura vijojnë punën në terren në bashkëpunim me autoritetet vendore./ CNA





Lajmet e fundit nga