web counter
LEXO PA REKLAMA!

SHKARKO APP

App Store
Google Play

E fundit!

x

Të përfituara nga veprimtari kriminale/ Prokuroria e Tiranës sekuestron pasuritë e të dënuarit me 5 emra

28 Gusht 2025, 12:17, Aktualitet CNA

Të përfituara nga veprimtari kriminale/ Prokuroria e Tiranës

Prokuroria e Tiranës ka sekuestruar disa pasuri në pronësi të K. K., alias alias O. M., K. M., Z. R., K.Z.

Pasuritë e tij u skuestruan pasi dyshohet se janë përfituar nga veprimtari kriminale. Në njoftimin e bërë nga prokuroria, thuhet se K. K. rezulton i përfshirë në një sërë aktivitetesh kriminale, si trafik narkotikësh, përdorim i identiteteve të ndryshme apo dhe transaksione financiare të pajustifikuara.

Në total Prokuroria e Tiranës ka vendosur masa sekuestroje për 18 pasuri të paluajtshme, automjete, llogari bankare dhe prona.

 

Njoftimi i Prokurorisë së Tiranës

Prokuroria pranë Gjykatës së Shkallës së Parë të Juridiksionit të Përgjithshëm, Tiranë, sekuestroi pasuritë e shtetasit K.K. (alias O. M, K. M, Z. R, K.Z.) dhe personave të lidhur me të, që dyshohet të jenë përfituar në mënyrë të paligjshme nëpërmjet veprimtarisë kriminale.

Në kuadër të hetimeve mbi procedimin pasuror nr.10, të datës 31.07.2025, rezultoi se ky shtetas dhe nëna e tij në pension, kanë veprimtari me origjinë kriminale që lidhet me shtetasin K.K. dhe historikun e tij të mëparshëm kriminal. Ai rezulton i përfshirë në një rrjet të strukturuar kriminal të trafikut të narkotikëve në Itali gjatë periudhës 2007–2012. Po ashtu, u dokumentua përdorimi i disa identiteteve të ndryshme, si dhe transaksione financiare të pajustifikuara në raport me të ardhurat e ligjshme të deklaruara të personave përkatës.

Sipas të dhënave të administruara nga sistemet zyrtare dhe burime të tjera ligjore, u evidentuan pasuri të shumta të paluajtshme, automjete luksoze dhe llogari bankare në emër të:

• Shtetasit K. K.

• Shtetases F.M., dhe

• Subjektit juridik “Kriol.AL” sh.p.k., me përfaqësues ligjor të njëjtin shtetas.

Në total janë vendosur masa sekuestroje preventive mbi 18 pasuri të paluajtshme, dy automjete luksoze të llojit Range Rover dhe Smart, të regjistruara me targa karakteristike, si dhe llogaritë bankare të personave fizikë dhe juridikë të përfshirë në këtë hetim. Pasuritë përfshijnë prona në zonat e Tiranës, Bathores, Farkës, Marikajt etj.

Sekuestrot janë vendosur me qëllim:

• Parandalimin e tjetërsimit ose përdorimit të këtyre pasurive për qëllime kriminale;

• Garantimin e ekzekutimit të vendimeve të mundshme gjyqësore mbi konfiskimin e tyre;

Prokuroria e Tiranes siguron opinionin publik se çdo veprim po zhvillohet në përputhje të plotë me legjislacionin procedural penal dhe masat kundër pastrimit të parave, në bashkëpunim të ngushtë me institucionet vendase dhe ndërkombëtare.

Hetimet vijojnë dhe pritet që në vijim të identifikohen edhe pasuri të tjera të lidhura me veprimtarinë kriminale./ CNA





Lajmet e fundit nga