web counter
LEXO PA REKLAMA!

SHKARKO APP

App Store
Google Play

E fundit!

x

Ditët e fundit të punimeve/ Loti 3 i aksit Qukës-Qafë Plloçë drejt përfundimit

27 Gusht 2025, 18:35, Aktualitet CNA

Ditët e fundit të punimeve/ Loti 3 i aksit Qukës-Qafë

Loti i tretë i aksit Qukës-Qafë Plloçë është drejt përfundimit.

Ashtu sikurse u paralajmërua nga CNA, rruga do të hapet në fund të muajit gusht.

E gjithë traseja e aksit është asfaltuar, nga Qukësi në Qafë-Plloçë. Edhe te Loti 3 është përfunduar asfaltimi i rrugës.

Ndërkohë janë bërë vijëzimet në pjesën më të madhe të aksit. Gjithashtu, janë duke u vendosur pjesët ndarëse në rreth 4-5 km të fundit.

Këto punime të fundit, që përfshijnë vijëzime dhe disa sistemime të fundit të aksit, po kryhen orë pas ore.

Ndoshta janë momentet e fundit, që pas 12 vitesh të hapet aksi Qukës-Qafë Plloçë, një rrugë me investime prej qindra e miliona eurosh, por që sipas ekspertëve nuk është në cilësinë e asaj që është folur më herët.

Loti 3 ka segmente të caktuara që janë me tre korsi, për të krijuar lehtësi në qarkullimin e mjeteve, ndërsa Loti 1 dhe 2 kanë problematika për shkak të kthesave, rrugës së ngushtë.

Për këto arsye, lëvizja e mjeteve të tonazhit të rëndë mund të shkaktojë problematika e pengesa.

Por, pavarësisht kësaj, Loti 3 do të hapet dhe këto janë ditët e fundit të kryerjes së punimeve./CNA


 





Lajmet e fundit nga