web counter
LEXO PA REKLAMA!

SHKARKO APP

App Store
Google Play

E fundit!

x

Trajtimi dhe riciklimi i mbetjeve/ Rama: Bashkitë të rrisin performancën

28 Gusht 2025, 12:09, Aktualitet CNA

Trajtimi dhe riciklimi i mbetjeve/ Rama: Bashkitë të rrisin

Kryeministri Edi Rama, në një aktivitet për Reformën e Trajtimin të Integruar të Mbetjeve, bëri me dije se do të krijohet Operatori Kombëtar i Trajtimit të Mbetjeve.

Në fjalën e tij, kryeministri theksoi se pa trajtimin dhe riciklimin e mbetjeve Shqipëria nuk ia del dot të përmbushë detyrimin ndaj vetes dhe ndaj BE-së.

Rama nënvizoi se këto janë etapa që do të ndikojnë në përmirësimin e cilësisë së jetës dhe mjedisit në territorin e vendit tonë.

Kreu i qeverisë tha se është shumë e rëndësishme që të rritet niveli i motivimit dhe niveli i performancës në të gjitha hallkat, në të gjitha bashkitë, natyrisht se aty është baza dhe në të gjitha nivelet që shtrihen nga nivelet e qeverisjes vendore deri tek ato më të voglat.

“Duhet një përkushtim i madh dhe një organizim jashtëzakonisht i ndërlikuar për t’i përfshirë të gjithë në këtë proces, por pa këto ky proces nuk del dot matanë dhe Shqipëria nuk ia del dot të përmbushë detyrimin ndaj vetvetes në radhë të parë sepse të gjitha këto janë etapa që përcaktohen në rrugët e anëtarësimit, por janë përfitim i drejtpërdrejtë i njerëzve të këtij vendi. Këto janë etapa që do të ndikojnë në përmirësimin e cilësisë së jetës dhe mjedisit në territorin e vendit tonë dhe vendbanimet e vendit tonë. Është shumë e rëndësishme që të rrisim nivelin e motivimit dhe nivelin e performancës në të gjitha hallkat e këtij zinxhiri, në të gjitha bashkitë natyrisht se aty është baza dhe në të gjitha nivelet që shtrihen nga nivelet e qeverisjes vendore deri tek ato më të voglat.

Të kemi fokus dhe të kemi bashkërendim edhe më të mirë të forcave dhe të energjive për t’ia dalë me sukses kësaj sfide kaq të madhe dhe kaq të ndërlikuar”, tha Rama./ CNA





Lajmet e fundit nga