web counter
LEXO PA REKLAMA!

SHKARKO APP

App Store
Google Play

E fundit!

x

Zjarri në Devoll/ Cenolli: Flakët në 5 hektarë tokë, rrezik për fshatin Sinicë

27 Gusht 2025, 19:47, Aktualitet CNA

Zjarri në Devoll/ Cenolli: Flakët në 5 hektarë tokë,

Përgjegjësi i Sektorit të Menaxhimit të Pyjeve, Orgest Cenolli ka ndarë detaje nga situata me zjarrin e rënë sot në Miras të Devollit.

Në një deklaratë, Cenolli tha se flakët janë përhapur në rreth 5 hektarë tokë.

Sipas Cenollit, deri më tani janë kryer disa ndërhyrje, por flakët nuk janë shuar, duke krijuar rrezik të mundshëm për fshatin Sinicë.

“U lajmëruam rreth orës 13:30. Së bashku me forcat zjarrfikëse dhe Drejtorinë e Shërbimeve erdhëm të gjithë në ndihmë. Situata duket pak serioze. Jemi angazhuar që të gjithë në shuarjen e zjarrit, jemi në gatishmëri. Gjithashtu kemi patur ndërhyrje dhe nga banorët e zonës, të cilët kanë ndihmuar në shuarjen e zjarrit. Sipërfaqja e deritanishme mund të jetë rreth 5 ha, me pishë të zezë, dushqe të llojit qarr. Situata është nën kontroll deri më tani, por besoj se do të zgjasë e deri nesër do të jetë zjarri aktiv.

Nuk mund të themi që zjarri do të shuhet brenda kësaj nate. Për shkak të terrenit shumë të thyer, ne dhe zjarrfikësit e kemi patur shumë të vështirë të ndërhyjmë. Ndërhyrja është bërë me mjete rrethanore. Jemi munduar me të gjitha mënyrat, me breza, me kundrazjarre, por për shkak se bimësia është shumë e dendur dhe sipërfaqja është e mbuluar me bimësi barishtore, është e vështirë edhe fikja dhe hapja e brezave që mund të parandalojnë zjarrin. Mesa dimë deri tani është vetëm një vatër, origjinën e vatrës ku ka nisur zjarri nuk mund ta përcaktojmë, pasi kërkon rreth 30 minuta të arrijmë në vatër, për shkak të terrenit.

Ka rrezik, pasi fshati më i afërt është Sinica dhe nëse zjarri merr përmasa më të mëdha, edhe mund të rrezikohet, por besoj se deri nesër do të shuhet”,-tha Cenolli./CNA





Lajmet e fundit nga