web counter
LEXO PA REKLAMA!

SHKARKO APP

App Store
Google Play

Tabaku: Inceneratorët 430 milionë euro dështim, qeveria rikthehet te landfill-et

28 Gusht 2025, 17:40, Aktualitet CNA

Tabaku: Inceneratorët 430 milionë euro dështim, qeveria rikthehet
Deputetja e Partisë Demokratike, Jorida Tabaku, ka reaguar pas konferencës së qeverisë për menaxhimin e mbetjeve, duke e cilësuar atë si një tjetër shfaqje politike me leksione dhe grafika, ndërsa problemet reale mbeten pa zgjidhje.

Sipas saj, Rama flet, ministrat paraqesin “power point”, ndërsa bashkitë mbeten spektatore pa të drejtë fjale. Tabaku akuzon qeverinë se shmangu çdo fjalë për kontratat e inceneratorëve, ku janë paguar mbi 430 milionë euro nga taksat e qytetarëve, edhe pse asnjë prej tyre nuk funksionon.

Ajo theksoi se zgjidhja e propozuar nga qeveria landfill-et, është në fakt alternativa që Partia Demokratike e kishte parashikuar që 12 vite më parë me studime, fonde dhe dokumente zyrtare, e mbështetur më pas edhe nga BE në progres-raport, nga KLSH në auditim dhe nga Komisioni Hetimor i inceneratorëve.

Postimi i Tabakut në Facebook:

Një tjetër konferencë ku “njeshi” flet, “dyshi” paraqet power point, ndërsa bashkitë që kanë çelësat e kashtës shënojnë pa të drejtë fjale.
Asnjë fjalë për 430 mln € kontrata të inceneratorëve.
Asnjë fjalë për 12 vite mashtrime se gjoja Shqipëria ishte pastruar.
Vetëm leksione me kostum e kollare!
Zgjidhja e propozuar ne Power Point?
Landfill!
Dhe landfilli qe zgjidhja që kishte dhënë PD që para 12 viteve, me studime e dokumente zyrtare edhe me buxhet. Këtë e propozoi sërish edhe në opozitë. Edhe BE-ja ne4 progres raport kur kritikonte inceneratorët, edhe KLSH-ja kur bëri auditin madje edhe Komisioni Hetimor INceneratorëve e theksoi si alternativë të drejtë.
Por qeveria zgjodhi inceneratorët, i mbrojti publikisht, politikisht dhe sot vazhdon t’i paguajë nga taksat e shqiptarëve.
Sa më i bukur power point, aq më e pisët bëhet Shqipëria!, shkruan Tabaku./CNA





Lajmet e fundit nga