web counter
LEXO PA REKLAMA!

SHKARKO APP

App Store
Google Play

E fundit!

x

Shkodra përballë së kaluarës/ Simpozium për viktimat e kufirit dhe të zhdukurit gjatë komunizmit

28 Gusht 2025, 17:27, Aktualitet CNA

Shkodra përballë së kaluarës/ Simpozium për viktimat e

Autoriteti i Dosjeve, në bashkëpunim me Universitetin “Luigj Gurakuqi” Shkodër, organizoi sot, në kuadër të 30 Gushtit – Ditës Ndërkombëtare të Personave të Zhdukur, simpoziumin me temë “Kufiri i Shpresës dhe i Vdekjes, 1944–1991. Shkodra përballë së kaluarës.”

Në aktivitet morën pjesë kryetarja e Kuvendit, Elisa Spiropali, ambasadorit të BE-së, Silvio Gonzato, dhe ambasadorit të OSBE-së, të cilët theksuan rëndësinë e përballjes me të shkuarën dhe domosdoshmërinë e drejtësisë tranzitore. Të pranishëm ishin gjithashtu deputetja Greta Bardeli, përfaqësues të institucioneve publike, komuniteteve fetare, familjarë të viktimave dhe të mbijetuar.

Në fjalën e saj, Spiropali theksoi se kërkimi për drejtësi nuk është hakmarrje, por rikthim i dinjitetit të mohuar: “Demokracia nuk përmbushet pa njohjen e viktimave dhe ndëshkimin e krimeve”. Ndërsa ambasadori Gonzato nënvizoi se Shkodra duhet të kthehet në një qytet kujtese me muze dhe memoriale, duke shtuar se kompensimet për ish-të përndjekurit nuk mund të shtyhen pafund.

Kryetarja e Autoritetit të Dosjeve, Gentiana Sula, pranoi vonesa në procesin e gërmimeve për rikuperimin e trupave, duke theksuar se vetëm kthimi i të zhdukurve tek familjet e tyre do të sjellë qetësi dhe drejtësi historike. Rektori i Universitetit, Tonin Gjuraj, nënvizoi rolin e kërkimit shkencor dhe edukimit universitar për ta kthyer kujtesën në pjesë të ndërgjegjes kombëtare./CNA





Lajmet e fundit nga