web counter
LEXO PA REKLAMA!

SHKARKO APP

App Store
Google Play

Periudha janar-korrik 2025/ Numri më i lartë i aksidenteve është kryer nga grupmoshat 25-34 vjeç

29 Gusht 2025, 08:09, Aktualitet CNA

Periudha janar-korrik 2025/ Numri më i lartë i aksidenteve

INSTAT ka publikuar të dhënat në lidhje me numrin e aksidenteve të regjistruara në periudhën janar-korrik 2025.

Sipas të dhënave gjatë periudhës janar - korrik 2025, numri i aksidenteve rrugore është ulur me 16,0 %, krahasuar kjo me të njëjtën periudhë të një viti më parë.

Vetëm në muajin korrik numërohen 131 aksidente rrugore, nga të cilët 194 persona janë të aksidentuar (të vrarë dhe të plagosur).

Sipas INSTAT, aksidentet rrugore, në 89,3 % të rasteve, kanë ndodhur si pasojë e sjelljes së drejtuesit të mjetit. Numri më i lartë i aksidenteve, në këtë periudhë, është kryer nga grupmoshat 25-34 vjeç, duke zënë 28,2 % të numrit të aksidenteve gjithsej.

Në muajin korrik 2025, numri më i lartë i aksidenteve rrugore ka ndodhur përgjatë ditës së martë me 19,8 %, ndërsa numri më i ulët i aksidenteve ka ndodhur përgjatë ditës së premte, me 9,2 %. Numri më i lartë i aksidenteve rrugore ka ndodhur përgjatë harkut kohor 08:00 - 12:00, duke zënë 28,2 % të numrit të aksidenteve rrugore gjithsej.

(Të dhënat e publikuara janë paraprake dhe subjekt përditësimi)./ CNA





Lajmet e fundit nga