web counter
LEXO PA REKLAMA!

SHKARKO APP

App Store
Google Play

Lirohet ish-kryebashkiaku socialist

29 Gusht 2025, 11:50, Aktualitet CNA

Lirohet ish-kryebashkiaku socialist

Lirohet nga qelia ish-kryebashkiaku i Himarës, Jorgo Goro, pasi ka kryer 2 vite e 20 ditë burg.

Goro akuzohej për shpërdorim detyre në dy raste dhe mosdeklarim të pasurisë. Jorgo u arrestua pasi i dhuroi tokën shtetërore burrit të ish-ministres Olta Xhaçka, ish-deputetit socialist Artan Gaçi.

Prokurori i çështjes, Ols Dado, provoi shpërdorimin e detyrës në dy episode dhe modeklarimin dhe fshehjen e pasurisë nga ana e Goros.

Lirohet ish-kryebashkiaku socialist
Prokurori Ols Dado

Jorgo Goro u akuzua se falsifikoi dokumente dhe tokën shtetërore ia dha bashkëshortit të ish-ministres Olta Xhaçka.

Gjithashtu, Goro u akuzua se realizoi me veprime konkrete zhvendosjen faktike në terren, të tokës, duke ia mbivendosur atë një pasurie tjetër në pronësi të shtetit.

Ai tejkaloi të gjitha kompetencat që ligji i njeh, duke u shprehur për ekzistencën e një mbivendosjeje pasurish të paluajtshme në terren dhe më pas duke konfirmuar një plan vendosjeje, i cili rezultoi se shërbeu jo vetëm për transaksionet e mëpasshme ndërmjet subjekteve të ndryshme, por edhe për zhvillimin e pronës, përfshirë këtu pajisjen me leje ndërtimi për një kompleks turistik në emër të një shoqërie tregtare, i cili do të ndërtohet mbi të dyja sipërfaqet në fjalë, të cilat janë kufitare (10.592 m2).

Këto veprime kryebashkiaku raportohej se i kishte kryer në bashkëpunim edhe me zyrtarë të tjerë./ CNA





Lajmet e fundit nga