web counter
LEXO PA REKLAMA!

SHKARKO APP

App Store
Google Play

Ministria e Drejtësisë i dërgon dosjen Turqisë për ekstradimin e Dritan Rexhepit

22 Nëntor 2023, 10:57, Aktualitet CNA
Ministria e Drejtësisë i dërgon dosjen Turqisë për
Dritan Rexhepi

Të mërkurën, Ministria e Drejtësisë i ka dërguar Ministrisë së Drejtësisë së Turqisë, dosjen e përgatitur me kërkesën për ekstradimin drejt Shqipërisë të Dritan Rexhepit. 

Dosja e tij, me kërkesën për ekstradimin e shtetasit Dritan Rexhepi, është nisur në bazë të kërkesave të paraqitura nga SPAK-u dhe Prokuroria e Përgjithshme në Ministrinë e Drejtësisë datë 16 dhe 17 nëntor.

“Mbreti i kokainës”, siç njihet bosi shqiptar i drogës, Dritan Rexhepi, u arrestua më 10 nëntor në Turqi, pasi rezulton me 3 alarme të kuq nga Interpoli.

Ai u vu në pranga për shkak të akuzave të ngritura nga autoritetet shqiptare dhe italiane ndaj Rexhepit, siç janë vrasje me dashje, trafikim droge dhe rrëmbim.

Shqiptari u është shmangur disa herë autoriteteve të shteteve të ndryshme duke përdorur identitete të ndryshme, në Stamboll kishte hyrë me pasaportën kolumbiane që mbante emrin Benjamin Omar Perez Garcia.

Kush është Dritan Rexhepi?

Rexhepi është një emër shumë i njohur i botës së krimit. Ai cilësohet si kapoja i kartelit që kontrollonte trafikun e drogës nga Ekuadori në Evropë.

Ai është skeduar nga disa shtete për aktivitetin e tij kriminal. Shqiptari, i cili është koka e kompanisë “Bello”, u kap në Ekuador me 278 kilogramë kokainë në vitin 2014 në një operacion të quajtur "Balcanes" dhe u dënua me 13 vite burg.

“Bossi” i drogës vuajti dënimin për disa vite, ndërsa aktivitetin e tij e kontrollonte nga burgu, ndonëse autoritetet kanë mohuar që kapo të ketë pajisje celulare në qeli.

Rexhepi gjithashtu rezulton me skemë kriminale edhe në Belgjikë, Holandë, Spanjë, ndërsa është në kërkim edhe nga autoritetet italiane./CNA

 





Lajmet e fundit nga