web counter
LEXO PA REKLAMA!

SHKARKO APP

App Store
Google Play

E fundit!

x

Ekstradimi nga Turqia i Dritan Rexhepit/ Prokuroria e Tiranës, shkresë Ministrisë së Drejtësisë

17 Nëntor 2023, 15:04, Kronika CNA

Ekstradimi nga Turqia i Dritan Rexhepit/ Prokuroria e Tiranës, shkresë

Prokuroria pranë Gjykatës së Juridiksionit të Përgjithshëm Tiranë, ka përcjellë në Ministrinë e Drejtësisë dokumentacion me qëllim paraqitjen e kërkesës për ekstradim nga Turqia në Shqipëri të shtetasit Dritan Rexhepi.

Rexhepi është shpallur në kërkim ndërkombëtar në janar 2014 nga Prokuroria e Krimeve të Rënda në kuadër të ekzekutimit të një vendimi të Gjykatës së Krimeve të Rënda, që e ka shpallur Dritan Rexhepin fajtor për disa vepra penale.

Konkretisht ai akuzohet për “vrasje në rrethana të tjera cilësuese”, të kryer në bashkëpunim, “vrasje me dashje”, të kryer në bashkëpunim, dhe “prodhimi dhe mbajtje pa leje të armëve luftarake dhe municionit”.

Dritan, alias Gramoz Rexhepi, u vu në pranga nga autoritetet turke disa ditë më parë, pasi ishte me alarm të kuq nga Interpoli.

Rexhepaj është një emër shumë i njohur i botës së krimit. Ai cilësohet si kapoja e kartelit që kontrollonte trafikun e drogës nga Ekuadori në Evropë.

Ai është skeduar nga disa shtete për aktivitetin e tij kriminal. Shqiptari, i cili është koka e kompanisë “Bello”, u kap në Ekuador me 278 kilogramë kokainë në vitin 2014 në një operacion të quajtur "Balcanes" dhe u dënua me 13 vite burg. Për shkak të një amnistie ai doli nga qelia./ CNA





Lajmet e fundit nga